மாயோளின் அவ(ழ)கனவன்- கதைத்திரி

[Saranyakumar]

வேந்தன் பாடிய தூக்கனவங்க மகியோட பாடியையும் எதுக்கு கொண்டு போனாங்க. தனசேகர் என்னத்தை பேசி வச்சு இப்ப பயப்படறார்

 

[Aandal Venkatraghavan]

அப்போ மகி இந்த வேந்தனோட பாடிய கண்டுபிடிக்க சிபிஐ வேலை பார்த்தா தான் அவன் உடம்போட அவன் சேர முடியுமா??

ஆமா க்கா .. வேற வழியே இல்லை.. பேய் மதி சி.ஐ.டி மதியா மாறியே ஆவனும்

 

[Aandal Venkatraghavan]

வேந்தன் பாடிய தூக்கனவங்க மகியோட பாடியையும் எதுக்கு கொண்டு போனாங்க. தனசேகர் என்னத்தை பேசி வச்சு இப்ப பயப்படறார்

எல்லாம் காரணமா தான் அக்கா அடுத்தடுத்த எபில சொல்றேன் நன்றி அக்கா

 

[Mathykarthy]

அவளே ஒரு சான்ஸ் குடுத்தா தப்பிச்சு ஓடுறதை விட்டுட்டு கமிட் ஆகி இப்போ பேயா சுத்துறான் இனி CID வேலை வேற பார்க்கணுமாம் இதென்னடா ஒரு ஆவிக்கு வந்த சோதனை

வேந்தன் சாவு ஒரே மர்மமா இருக்கே..... கொலையா இருக்குமோ

அது என்னவாவோ இருக்கட்டும் அதுக்கு என்டா சம்மந்தமே இல்லாம இவன் பாடியை கிட்னாப் பண்ணுனீங்க...

ஆள் அடையாளம் தெரியாம ஒன்னுக்கு ரெண்டா தூக்கிட்டாங்களோ
எரிச்சிப்புடாதீங்கடா பாவம் அவன் உயிரோட தான் சுத்திட்டு இருக்கான்

 

[Aandal Venkatraghavan]

அவளே ஒரு சான்ஸ் குடுத்தா தப்பிச்சு ஓடுறதை விட்டுட்டு கமிட் ஆகி இப்போ பேயா சுத்துறான் இனி CID வேலை வேற பார்க்கணுமாம் இதென்னடா ஒரு ஆவிக்கு வந்த சோதனை

வேந்தன் சாவு ஒரே மர்மமா இருக்கே..... கொலையா இருக்குமோ

அது என்னவாவோ இருக்கட்டும் அதுக்கு என்டா சம்மந்தமே இல்லாம இவன் பாடியை கிட்னாப் பண்ணுனீங்க...

ஆள் அடையாளம் தெரியாம ஒன்னுக்கு ரெண்டா தூக்கிட்டாங்களோ
எரிச்சிப்புடாதீங்கடா பாவம் அவன் உயிரோட தான் சுத்திட்டு இருக்கான்

Ithu ஆவி லவ் பண்ண பாவியால் வந்த சோதனைகள் க்கா

எரிக்கல்லாம் மாட்டாங்க.. கட்டிங் வர்க் தான் பார்க்குற ஐடியால இருக்கானுங்க

 

[Aandal Venkatraghavan]

அத்தியாயம்-10​

"என்னடா இப்படி ஆயிடுச்சு" என்று ஜான் இதழ் பிதுக்க, ​

சற்றே யோசித்த மதி, "ஏ.. விஷ் எங்க?" என்றான். ​

"வீட்ல தான் இருப்பான்னு நினைக்குறேன்" என்று ஜான் கூற, ​

"அவன்கிட்ட இந்த நம்பர் கொடுத்து இதோட கால் ஹிஸ்ட்ரி அன்ட் லொகேஷன் பார்த்துத் தரசொல்லி கேட்போம் ஜானு.. அவனுக்குத்தான் இந்த ஹாக்கிங்லாம் தெரியுமே" என்று மதி கூறினான்.​

"டேய் நைஸ் ஐடியாடா" என்ற ஜான் உடனே 'காண்பரென்ஸ்' போட்டுவிட, துருவன் சட்டென அலைப்புக்குள் வந்தான். ​

"நீதான்டா போட்டவுடனே வந்துட்ட" என்று ஜான் கூற, ​

"அவன் ஒருத்தன் தான் சிங்கில். அதனால கமிட்மென்ட் இல்லாம வந்துட்டான்" என்று மதி கூறினான்.​

"அவன் சிங்கில்னு நீ பார்த்தியா?" என்று ஜான் மதியிடம் வாதாட, இங்குத் துருவனுக்கு சரியாகப் புரையேறியது. ​

அப்போதே விஷ் மற்றும் அகா அழைப்பில் இணைய, "துருவன் தான் எங்க எல்லாருக்கும் முன்ன இருந்தே லவ் பண்ற ஆளு மகி" என்று பல வருடம் தன் மனதோடு பூட்டிவைத்திருந்த ரகசியத்தை ஜான் பளிச்சென்று போட்டிருந்தாள்.​

"துருவன் லவ் பண்றானா? யார?" என்று விஷ் வினவ, ​

"நம்ம வாண்டு குட்டிய தான்டா" என்று ஜானும் கூறிவிட்டாள். ​

"ஏதே?" என்று அகா வினவியதும் தான் அவளும் அழைப்பிற்குள் வந்துவிட்டதைக் கண்டு அதிர்ந்த ஜான், "அச்சச்சோ உளறிட்டன்" என்க, ​

மகி "உனக்கெப்டி தெரியும்?" என்றான். ​

துருவன் மனதிலும் அதே கேள்வி எழுந்தபோதும் அதை அவன் கேட்டுக்கொள்ள வில்லை. அவனுக்கு அகா தன்னை என்ன நினைப்பாளோ என்ற பயம் தான் இருந்தது. ​

"அ..அது ரொம்ப வருஷம் முன்ன" என்று தடுமாறியவள், "து..துரு" என்க, ​

"நீங்கப் பேசுங்க நான் அப்றம் வரேன்" என்றுவிட்டு அழைப்பைத் துண்டித்திருந்தான்.​

"போச்சு" என்றவள், "அகா.." என்க, ​

"நான் அப்றம் பேசுறேன் ஜான்" என்று அவளும் இணைப்பிலிருந்து விலகியிருந்தாள். ​

"அடராமா" என்றவள், "டேய் நீயும் போய்டாதடா" என்று கூற, ​

"இருக்கேன் இருக்கேன். என் பொண்டாட்டி அம்மாவோட கோவிலுக்குப் போயிருக்கா. அவ வர்றதுக்குள்ள பேசிமுடி" என்றான்.​

"அதுசரி.. உனக்கு ஒரு நம்பர் அனுப்பினா அதோட கால் ஹிஸ்ட்ரி, லொகேஷன் எல்லாம் அனுப்ப முடியுமா?" என்று ஜான் கேட்க, ​

"முடியும். எதுக்கு உனக்கு? யார் நம்பர்?" என்றான். ​

மதி கூறிய அனைத்தையும் சுருக்கமாகக் கூறி முடித்தவள், "கொஞ்சம் சீக்கிரம் முடியுமாடா?" என்க, ​

"ம்ம் முடியும் ஜான். மாடிக்கு வரவா?" என்றான். ​

"ம்ம் சரிடா" என்று இணைப்பைத் துண்டித்தவள் மாடிக்கு வந்திட, அவனும் தனது மடிக்கணினி மற்றும் அலைப்பேசியோடு மாடிக்கு வந்திருந்தான்.​

அங்குத் துருவன் வீட்டுக்குள் நுழைந்த அகாவைக் கண்ட வித்யா, "வா அகா" என்க, ​

"எங்க அத்தை அவன்?" என்றாள். ​

அவள் சத்தம் கேட்டு அறைக்கதவைத் திறந்துக் கொண்டு வந்த துருவன், அவளை அழுத்தமாகப் பார்க்க, "வெளிய போனும் வா" என்றாள்.​

"என்னடா எதும் பிரச்சினையா? சண்டையா உங்களுக்கு?" என்று வித்யா கேட்க, ​

"இல்லை அத்த. கோவிலுக்குப் போகனும்னு கூப்பிட்டிருந்தேன். இன்னும் ஆளைக்காணும்னு தான்" என்றாள்.​

"சரிடா" என்றவர் சென்றுவிட, அவளுடன் வெளியேறினான். அமைதியாக இருவரும் அவர்கள் எப்போதும் செல்லும் பூங்காவை அடைய, "ஏன்டா என்கிட்ட சொல்லலை?" என்றாள்.​

"ஏ நான் யார்கிட்டயுமே சொல்லலை" என்று அவன் கூற, ​

"அப்ப ஜானுக்கு எப்படி தெரியும்?" என்றாள். ​

"சத்தியமா எனக்கும் அது தெரியலை அகா" என்று துரு கூற, ​

"சரி எப்போதிருந்து?" என்று கேட்டாள்.​

தன் பின்னந்தலையைக் கோதியபடி, "தெரியலை" என்று அவன் கூற, ​

"என்னடா உலறுற?" என்றாள். ​

"அகா சத்தியமா நான் அவளை இன்னவரை தப்பா ஒரு பார்வை பார்த்தது இல்லை" என்று அவன் முடிக்கும் முன் பளாரென்று ஒரு அறை விட்டாளே பார்க்கனும்.​

அதில் அரண்டு விழித்தவனைப் பார்த்து முறைத்தவள், "நான் கேட்டதுக்கு மட்டும் பதில் சொல்லு" என்று கூற, ​

"நா.. நான் சின்ன வயசுல இ..இருந்தேதான். அ..அப்போ லவ்னு தெரியலை. ஆனா.. பிறகு வளர வளரப் புரிஞ்சுது" என்றான்.​

மேலும் தானே தொடர்ந்தவன், "யார்கிட்டேயும் சொல்லத் தோனலை என்பதைவிட சொல்லப் பயம். நம்ம வீட்டு பொண்ணு மாதிரி பார்த்த பொண்ணு மேல எனக்கு மட்டும் வேற எண்ணம்னு சொன்னா என்ன நினைப்பாங்களோனு" என்று கூற, ​

"அவளுக்கும் தெரியாதா?" என்று கேட்டாள்.​

'தெரியாது' என்பதுபோல் தலையசைத்தவன், "எனக்கு இளானா ரொம்ப பிடிக்கும். துருதுருனு இருப்பா. அது பிடிக்கும். எப்படி எந்தப் பாயிண்ட்ல லவ்னுலாம் தெரியலை அகா. ஆனா வளர்ந்து காலேஜ் வாழ்க்கை பாதி கடந்த பிறகு தான் அவளை நான் லவ் பண்றேன்னே ரியலைஸ் பண்ணேன். அப்ப அவ ஸ்கூல் கிட். எனக்கு எப்படி எக்ஸ்பிரஸ் பண்றதுனு தெரியலை. ரொம்ப சின்னப் பொண்ணுனு நானும் கொஞ்ச நாள் போகட்டும்னு விட்டுட்டேன்" என்றான்.​

"நாங்க உன்னைத் தப்பா நினைப்போம்ன்னு நினைச்சியா துரு?" என்று அகா கேட்க, ​

"ஏ..இல்ல.." என்றவனுக்கு வேறு என்ன பேசவென்று தெரியவில்லை. ​

அவள் கேட்ட கேள்வியும் உண்மை தானே என்று மனம் எடுத்துக் கூறியதால் கூட இருக்கலாம்.​

"நம்ம பிரண்ட்ஸ்னு நீ எல்லாத்தையும் சொல்லனும்னு எதிர்ப்பார்க்கலை துரு. ஆனா நீ, நாங்க உன்னைத் தப்பா நினைச்சுப்போம்னு மறைச்சது தான் வலிக்குது" என்று அகா கூற, ​

"நீ கேட்குறதுக்கு பதில் சொல்ல முடியலை அகா. நிஜமா அது உண்மை தான். நீங்க என்ன நினைப்பீங்களோனு தான் மறைச்சேன். நீங்க எல்லாரும் குழந்தையா பார்க்கும் ஒருத்திய நான் காதலியா பார்க்குறேன்னு சொன்னா என்ன நினைப்பீங்களோனு பயம். ஆ..ஆனா" என்றவனுக்கு அதை நியாயம் செய்யக் காரணங்கள் கிடைக்கவில்லை.​

"யாரோ ஒருத்தருக்கு பார்த்துக் கட்டி வைக்குறதுக்கு இளாவை உனக்குக் கொடுப்பதில் எங்களுக்கு என்னடா பிரச்சினை?" என்று அகா கூற, ​

"நீ இளாவுக்கு அக்காவா இருக்கலாம். ஆனா இதை அத்தை மாமா சொல்லனும் அகா" என்று கூறினான். ​

"அவங்க சின்ன வயசுல இருந்து உன்னைப் பார்க்குறாங்கடா. உன்னைப் பத்தி நல்லா தெரியும். நல்ல பையன், நல்ல வேலைல இருக்க, நல்ல குடும்பம்னு இருக்கும்போது என்ன சொல்லப் போறாங்க? நீ எதுவும் லூசுபோல யோசிக்காத" என்று அகா கூற, மெல்ல தலையசைத்தான்.​

"இளாக்கிட்ட சொல்லனும்னு உனக்குத் தோனலையா? எப்படிடா அவ்வளவு நம்பிக்கை? அவ வேற யாரையும் லவ் பண்ணிருந்தா என்ன பண்ணுவ?" என்று அகா வினவ, ​

லேசாகச் சிரித்தவன், "அவள பத்தி உனக்குத் தெரியாதா? புத்தக புழு. அவ படிப்பைத் தவிர வேற எதையும் யோசிக்க மாட்டா. அன்ட் அவ லவ் பண்ண மாட்டானு என் உள்மனசு சொல்லிச்சு. ஒரு நம்பிக்கை அகா. உனக்குப் புரியாதா என்ன? நம்ம லவ் பண்ற ஒருத்தங்க.. அவங்கள பத்தி நல்லா தெரிஞ்ச பிறகு.. ப்ச்.. அது ஒரு ஃபீல். அவ எனக்குதான்னு" என்றான்.​

அதில் மென்மையான புன்னகையுடன் "ஷி இஸ் லக்கி" என்று அகா கூற, ​

"ம்ஹீம்.. அவ கிடைச்சுட்டா நான் தான் லக்கி" என்றான்.​

அங்குத் தீவிரமாகத் தனது மடிக்கணினியில் செயல்பட்ட விஷ், "லொகேஷன் ரொம்ப ஈசியா புடிச்சிடலாம். நான் சொல்றேன் மதி போய் அங்க பார்க்கட்டும். அப்ப நீ கால் பண்ணு அவன் ஐடென்டிபை பண்ணிப்பான்" என்று கூற, ​

"ம்ம் நல்ல ஐடியாடா. மகி இவன் சொல்ற ஏரியா போய் நீ கால் பண்ணு. நாங்க இன்ஸ்டிரக்ட் பண்ணுறோம். அவன் இருக்குற இடத்துக்கு நீ பக்கத்துல போனதும் நான் அவனுக்குக் கால் பண்றேன்" என்று ஜான் படபடவென்று கூறினாள்.​

அவள் தலையிலேயே நறுக்கென்று கொட்டிய விஷ், "அவன் செத்துட்டான் பக்கி. அவன்கிட்ட ஏது ஃபோனு?" என்று கேட்க, ​

"அய்யோ‌ மறந்துட்டேன்டா" என்றாள். ​

"பரவால நான் வந்து வந்து கேட்டுப்பேன். நான் இடம் மாற எம்புட்டு நேரம் ஆகப்போகுது. கண்ண மூடித் திறந்தா இங்க வந்துட்டு திரும்ப அங்க போகப் போறேன்" என்று மதி கூற, அகாவும் துருவும் வந்து சேர்ந்தனர்.​

ஜான் திருதிருவென விழிக்க, "என்ன நடக்குது இங்க?" என்று அகா கேட்டாள். ​

விஷ் சுருக்கமா அனைத்தையும் கூறி முடிக்க, "நைஸ் ப்ளான்டா" என்று துரு கூறினான். ​

அவனது லேசாகச் சிவந்த கன்னத்தின் ஓரத்தைப் பார்த்து அரண்டு போன ஜான் 'அடி வாங்கிருக்கான் போலயே? ஆனா அகாக்கு இவன் இளாவ லவ் பண்றதுக்கு பிராப்ளம் இருக்காதே? எதுக்கு அடி வாங்கிருப்பான்?' என்று எண்ணியபடி, ​

"துரு சாரிடா" என்றாள்.​

"ஏ ஆமா உனக்கு எப்படி தெரியும்?" என்று அகா வினவ, ​

"அதுவா.." என்றவள் அன்றைய நினைவைக் கூறினாள்.​

அவர்கள் கல்லூரி பயின்று கொண்டிருந்த காலம் அது.. அன்று ஒரு மாலைப் பொழுது அகாவின் வீட்டில் அகா, துரு மற்றும் விஷ் அகநகையின் தாய் தந்தை கல்யாண புகைப்படங்கள், அவர்களது சிறு வயது படங்கள் கொண்ட ஆல்பத்தினைப் பார்த்துக் கொண்டிருக்க, விஷ்வேஷின் அலைப்பேசி ஒலித்தது. ​

எடுத்துக் கொண்டு பால்கனி சென்றவன் பேச, அகாவையும் அவளது தாய் அழைத்தார். ​

அவள் எழுந்து சமையலறை செல்ல, ஆல்பத்தில் அடுத்த பக்கத்தைத் திருப்பிவிட்டு துருவன் கண்கள் பளபளக்க அதைப் பார்த்தான். ​

அப்போதே அங்கு வந்த ஜான், அவனது கண்களின் மின்னல் வெட்டில் புருவம் சுருக்க, திருட்டுத்தனமாகச் சமையலறலயைப் பார்த்துக் கொண்டவன், ஒரு புகைப்படத்தினை எடுத்துத் தனது சட்டைப்பையில் மறைத்துக் கொண்டு அடுத்த பக்கத்தினைத் திருப்பினான்.​

அதைப் புரியாத பார்வையோடு பார்த்தபடி வந்த ஜான் அவனருகே அமர, சட்டென வந்தவள் அரவத்தில் திடுக்கிட்டுத் திரும்பினான். ​

"என்னடா இவ்வளவு ஷாக்கு?" என்று அவள் வினவ, ​

"திடீர்னு வந்து இப்டி உக்காந்தா.. அதான்" என்று சமாளித்தான். ​

அவன் சட்டைப் பையில் எட்டி எட்டி பார்க்க முயற்சித்தவள், "டேய்.. அந்த ரிமோட்ட எடுத்துத் தாடா" என்க, ​

"இங்க தான இருக்கு" என்றபடி குனிந்து அதை எடுத்தான்.​

அப்போது திறந்துகொடுத்த சட்டைப் பைக்காட்டிய புகைப்படத்தில் சிறு குழந்தையாய் பட்டுப்பாவாடை சட்டையில் சிரிக்கும் இளாவின் முகம் லேசாகத் தெரிய, 'இளா மாதிரி இருக்கே' என்று எண்ணியவள் ஆல்பத்தைத் தன் மடியில் வைத்துக் கொண்டாள்.​

அகா பழச்சாறுடன் வர, விஷ்ஷும் வந்து அமர்ந்தான். முன் பக்கத்தைத் திருப்பிய ஜான், "ஏ இங்க என்ன போட்டோவ காணும்?" என்க, ​

அதைப் பார்த்த அகா, "ஏ அங்க இளா ஃபோட்டோ இருக்கும் ப்பா. இதோ இந்தப் பிக்ல நான் போட்டிருக்குற இதே போலப் பாவட சட்டை போட்டு உச்சு குடுமி போட்டுட்டு செம்ம கியூட்டா இருப்பா" என்றபடி கீழே தேடிய அகா, "காணும்போல" என்றாள்.​

சற்றே பதட்டமடைந்த துரு, "எடுக்கும்போது உள்ள எங்கேயும் விழுந்துருக்கும் அகா. தேடிபாரு. இங்க தான் இருக்கும்" என்று கூற, ​

"ம்ம்.. உள்ள விழுந்துருக்கும்னு நினைக்குறேன்" என்று கூறினாள்.​

'அடப்பாவி.. நீயே எடுத்து வச்சுகிட்டு என்னமா நடிக்குற? ம்ம்.. அப்படி போகுதா கதை.. சரிடா ராசா சரி' என்று எண்ணிக் கொண்ட ஜானுக்கு சிரிப்பாகத்தான் வந்தது.​

மேலும் ஒருநாள் அந்தப் புகைப்படத்தைத் தனது புலனத்தில் ஸ்டேடஸில் வைத்து ஒரே நிமிடத்தில் அவன் அதை எடுத்தும் இருக்க, அந்த ஒருநிமிட இடைவெளியில் அதைப் பார்த்துவிட்ட ஜான் 'பய உண்மைலயே லவ் தான் பண்றான் போல' என்று கூறிக் கொண்டாள். ​

அதன் பிறகு இளா முன்பான அவனது முகபாவங்களை வைத்துச் சிரித்துக் கொள்பவள், அவனாகக் கூறாது அதைப் பற்றிக் காட்டிக் கொள்ளாது இருந்தாள்.​

பாவை அனைத்தையும் கூறி முடிக்க, “நீ எப்புடி ஜானு சீக்ரெட்லாம் மெயிண்டேன் பண்ண இத்தனை வருஷம்?" என்று மதி வியந்தான்.​

"அப்பவே தெரியுமா உனக்கு" என்று கேட்ட துருவனுக்கு லேசாக வெட்கம் எட்டிப் பார்க்க, தன் தலையைக் கோதி தன்னை சமன் செய்துக் கொண்டான்.​

"சரி இப்ப என் பொணத்த தேடுவோமா?" என்று மதி யாவரையும் நடப்புக்குக் கொண்டுவர, ​

"டேய் ஆமாண்டா.. என் மகிய கண்டுபிடிக்கனும்" என்று ஜான் கூறினாள். ​

மீண்டும் அவனது இலக்கத்தின் பயன்பாடுள்ள இடத்தைப் பார்த்து விஷ் கூற, ​

துருவன், "டேய்… நானும் மதியும் போறோம். என்னோட ஃபோன் வச்சு டிராக் பண்ணி ரெண்டு லோகேஷனோட டிஸ்டன்ஸ சொல்லு" என்று கூறி மதியுடன் புறப்பட்டான்.​

-வருவான்...

 

[santhinagaraj]

டேய் துரு அப்ப எல்லாருக்கும் முன்னாடி முதல்ல காதலில் விழுந்தது நீதானா??

 

[Mathykarthy]

போன பார்ட்லயே கெஸ் பண்ணேன் அகா இல்லைன்ன உடனே இளாவை தான் லவ் பன்றான்னு...

அங்க மதி பாடியை பீஸ் போடப் போறாங்களாம் நீங்க என்னடா இப்போ லவ் பிளாஷ்பேக் கேட்டுட்டு இருக்கீங்க......

 

[Saranyakumar]

முதல்ல மதி பாடியை கண்டிபிடிங்கப்பா அப்புறமா காதலை கண்டுபிடிக்கலாம்

 

[Aandal Venkatraghavan]

டேய் துரு அப்ப எல்லாருக்கும் முன்னாடி முதல்ல காதலில் விழுந்தது நீதானா??

அவனே தான் க்கா அமுங்குனி பய

 

[Aandal Venkatraghavan]

போன பார்ட்லயே கெஸ் பண்ணேன் அகா இல்லைன்ன உடனே இளாவை தான் லவ் பன்றான்னு...

அங்க மதி பாடியை பீஸ் போடப் போறாங்களாம் நீங்க என்னடா இப்போ லவ் பிளாஷ்பேக் கேட்டுட்டு இருக்கீங்க......

அதானே க்கா அவன் உடம்பே அம்போனு கிடங்கு.. இதுல இவனுங்களுக்கு காதல் கதை கேட்குது

 

[Aandal Venkatraghavan]

முதல்ல மதி பாடியை கண்டிபிடிங்கப்பா அப்புறமா காதலை கண்டுபிடிக்கலாம்

அதை சொல்லுங்க க்கா பொறுப்பில்லாத பசங்க

 

[Aandal Venkatraghavan]

அத்தியாயம் -11​

துருவனின் அலைப்பேசி இருப்பிடத்தையும் மதி கூறிய அலைபேசியின் இருப்பிடத்தையும் ஒப்பிட்டு விஷ்வேஷ் அவர்களை வழிநடத்த, ஒருகட்டத்தில் இரண்டும் ஒரே இடத்தில் இருப்பதாகக் கணினி காட்டியது.​

"துரு.. நீயும் அந்த நம்பருக்கு சொந்தமானவனும் பக்கத்துல தான் இருக்கீங்க. நான் ஜான கால் பண்ண சொல்றேன். பாரு" என்று விஷ் கூறியதை 'ப்ளூடூத்' காதொலிப்பான் மூலம் கேட்டவன் "ம்ம்" என்க, ​

இங்கு ஜான் அதே எண்ணுக்கு மீண்டும் அழைத்தாள்.​

சுற்றிமுற்றி துருவனும் மதியும் நோக்கினர்.​

அது ஒரு ஆள் அரவமற்ற தெரு.. ​

ஆளே இல்லாத பட்சத்தில் அலைப்பேசி ஒலிதான் தங்கள் பிடிமானம் என்று காதைக் கூர்தீட்டி இருவரும் எதிர்நோக்க, ஓர் வீட்டின் கதவு திறந்துக் கொண்டது.​

கதவைத் திறந்தவன் கையில் அலைப்பேசி ஒலி எழுப்ப, ​

"செத்தடா" என்றபடி அவனிடம் வந்த துருவன் அவன் ஃபோனைப் பிடிங்கி "யாருடா நீ?" என்றான். ​

பேந்த பேந்த விழித்தவன் "யாருடா நீ?" என்று திரும்பக் கேட்க, ​

அவனது அலைப்பேசி மீண்டும் ஒலித்தது. ​

"ஏ கால கட் பண்ணுடி ஆள புடிச்சுட்டேன்" என்று தனது காதொலிப்பானை அழுந்தப் பிடித்துத் துரு கூற, ​

"மூதேவி! அவ இன்னும் காலே பண்ணலை நீ யார புடிச்ச?" என்று விஷ் தலையில் அடித்துக் கொண்டான்.​

அதில் அரண்டு போய் விழிகள் விரித்தவன் தான் பிடித்திருப்பவனை விட்டு, அவன் சட்டையை உதறி, "சாரிண்ணே.. வேற யாரோனு நினைச்சுபுட்டேன்.. உங்க தம்பியா நினைச்சு வுட்றுங்க" என்று கூற, ​

அவன் பிடித்ததில் அரண்டு இருந்தவரும் அலைப்பேசியை வாங்கிக் கொண்டு ஓடியிருந்தார்.​

"இங்க பாரு உனக்கு ஹீரோயிஸம்லாம் செட் ஆவாது‌. யாருனு பார்த்து மதிய அனுப்பிவிட. அவன் பூச்சாண்டி காட்டி மேட்டர வாங்கிட்டு வரட்டும்" என்று கூறிய ஜான் அழைப்பு விடுத்தாள்.​

அங்கு அருகே உள்ள ஒரு வீட்டில் அலைப்பேசி ஒலிப்பது அமைதியான இடத்தில் நன்றாகவே கேட்டது. ​

"மதி நீ உள்ள போய்ப் பாரு" என்று துரு கூற, ​

அவனும் அந்த வீட்டினுள் சென்றான்.​

அங்கு அலைப்பை ஏற்றவனோ, "ஹலோ" என்க, ​

மதி அவன் அருகே சென்று அலைப்பேசியோடு தன் காதை ஒட்டி வைத்துக் கொண்டு கேட்டான். ​

"ஹலோ சார்.. நான் ஐ.பி.ஓ.பி பேங்க்லருந்து பேசுறேன்" என்று ஜான் கூற, ​

"ஐ..சக்ஸஸ்" என்றபடி வெளியே வந்தவன், "டேய் துருவா.. இந்த உள்ள இருக்குறவன் தான்டா" என்று கூறிவிட்டு மீண்டும் உள்ளே செல்ல, ​

"மச்சி புடிச்சாச்சுடா" என்று துரு கூறினான்.​

"சூப்பர்டா" என்ற விஷ் ஜானிடம் கண்காட்ட, ​

சூடு சுரனை இல்லாது அவனிடம் திட்டுவாங்கிக் கொண்டிருந்தவள் பட்டென அழைப்பைத் துண்டித்தாள்.​

அங்கு மதியோ "இவன்கிட்டருந்து எப்டி உண்மைய வாங்க?" என்று யோசித்து "ம்ம்.. ஐடியா" என்றவனாகத் தன் தொண்டையை செருமிக் கொண்டு "டேய்.." என்க, ​

அந்தத் தடியனோ சுற்றி முற்றிப் பார்த்தான்.​

"ப்ச்" என்று தோளைக் குலுக்கிக் கொண்டு, உள்ளே செல்ல அவன் அடியெடுத்து வைக்க, ​

மீண்டும் ‘ராரா’ குரலில் "டேய்.." என்று மதி அழைத்தான்.​

அதில் மீண்டும் திரும்பியவன் சுற்றி முற்றி பார்த்து "யாருடா அது?" என்க, ​

"நான் தான்டா.. வேந்தன்" என்று கர்ஜிப்பது போல் கூற முயற்சித்தவன், ‘சை.. பேயா நடிக்குறது எவ்வளவு கஸ்டமா இருக்கு' என்று நினைத்துக் கொண்டான். ​

"டேய்.. எவன்டா அவன்?" என்று அந்தத் தடியன் கத்த, ​

பக்கத்திலிருக்கும் மேஜையிலிருந்த பூஜாடியை கஷ்டபட்டு உருட்டிவிட்டவன், "அதான் சொல்றேன்ல.. நான் தான்டா வேந்தன்" என்றான்.​

"வே..வேந்தனா..யா..யாரு" என்று உருண்டு விழுந்த பூஜாடியைப் பார்த்தவாறு தடுமாற்றத்தோடு அவன் வினவ, ​

'அய்யோ.. அவன் அப்பன் பேரு மறந்துபோச்சே' என்று எண்ணியவன், "ஏன் உனக்குத் தெரியலையோ" என்று கத்தினான்.​

அதில் அரண்டு விழித்தான், "ஏய்.. யாருடா நீ? அந்தத் தனசேகரன் அனுப்பின ஆளா?" என்று கத்த, ​

'ஹப்பா.. பேரு நியாபகம் வந்துடுச்சு.. அந்தச் சின்ன சேகர் அண்ணன் பேரு குணசேகரன் தானே..' என்று நினைத்துக் கொண்டு, "டேய்.. குணசேகரன் புள்ள வேந்தன்டா.. எங்கடா என் பிணம்" என்று கத்தியபடி மீண்டும் அருகிலிருந்தவற்றையெல்லாம் உருட்டி விட்டான். ​

'எங்க அந்த ஸ்விச்சு போர்டு.. இவனுங்களுக்கு காஞ்சனா பட எபெக்டு தான் வேலைக்கு ஆகும்' என்றவன் ஸ்விட்ச் போர்டைத் தேடி சென்றான். ​

அதிலிருந்து ஒவ்வொன்றாக அழுத்தி விளக்கின் பொத்தானைக் கண்டுகொண்ட மதி, விளக்கை இயக்கி, அணைத்து விளையாட, ​

"எ..ஏய்.. யாரு..ஏய்.. வே..வேந்தா.. நான் உன் பொணத்தை எடுக்கலைடா. சு..சும்மா உன் சித்தப்பன மிரட்டினேன்" என்றான். ​

மீண்டும் ஒரு கண்ணாடி தூக்கி வீசப்பட்டு சுக்கு நூறாய் உடைய அதில் அலறியே விட்டவன், "ச.. சத்தியமா நான் எதும் பண்ணல வேந்தா, நம்பு.உன் சித்தபன் குடி போதைல ஒரு நாள் நீ இல்லாம போனா அ..அவர் பையன் தான் இந்த மொத்த சொத்துக்கும் அதிபதினு சொன்னாரு. நானும் தூண்டிவிட உன்னைப் போ..போட்டுதள்ள ஐடியா கொடுத்தேன். ஆனா அ..அப்பவும் உன்மேல உள்ள பாசத்துள என்னைத் திட்டிட்டு போயிட்டார். பிறகு எங்களுக்குள்ள வந்த ஒரு பிரச்சினைல நாங்க எதிரிகளாகிட்டோம்​

அப்ப ஒருமுறை நான் செஞ்ச ஒரு விஷயம் அவர்கிட்ட மாட்டி என்னை மிரட்டினார். நான் அவர் போதைல உளறின வீடியோவ அனுப்பினேன். அவரு இதெல்லாம் என் புள்ள நம்ப மாட்டான்னு சொல்லி என்னை மடக்கின விஷயத்துல என்மேல கேஸ் போட, அதுலருந்து நான் தப்பிவரவே பெரும் பாடா போச்சு. அந்தச் சமயம் தான் நீ செத்து போன. அவரா ஃபோன் போட்டு இது என் வேலையானு கேட்க நானும் அவரை மிரட்டிப் பார்ப்போம்னு தான் அப்படி பேசினேன். இன்னும் சொல்லனும்னா நீ செத்ததே அப்பத் தான் எனக்குத் தெரியும். தற்கொலைனு கூடத் தெரியாது அப்ப. கொஞ்சம் முன்ன தான் உன் பொணம் காணாம போனதே தெரியும்‌" என்று அனைத்தையும் கூறி முடித்தான்.​

அதைக் கேட்டவுடன் மதிக்கு புஸ்ஸெனக் காத்து இறங்கிய உணர்வு.. ​

திடீரென ஏற்பட்ட அமைதியில் மேலும் கதிகலங்கிப்போன அந்தத் தடியன் விறுவிறுவென வீட்டு பூஜையறைக்கு சென்றுக் கொண்டான். ​

வெளியே வந்த மதியைக் கண்ட துரு, "என்னடா எதும் தெரிஞ்சதா?" என்று வினவ, ​

"இல்லடா" என்றவன் அவனையும் கூட்டிக் கொண்டு வீடு வந்து சேர்ந்தான்.‌ ​

"என்னாச்சு மகி" என்று ஜான் ஆர்வமாக வினவ, ​

வாடிய முகத்துடன் நடந்தவற்றைக் கூறியவன், "ச்சை.. கடுப்பா வருது" என்றான்.​

"தளராத மதி.. வேற ஐடியா ஏதும் கிடைக்கும்" என்று அகா கூற, ​

"சரி எதுக்கும் நான் அந்தப் பையன் வீட்ல ஒரு ரௌண்ட்ஸ் போயிட்டு வரேன்" என்றுவிட்டு செல்ல, ஜான் தான் முகத்தைத் தொங்க போட்டுக் கொண்டு அமர்ந்தாள்.​

அவளுடன் அமர்ந்த தோழர்களில் "ஜான்.. ச்சில்.. இதில்லைனா வேற வழி எதும் இருக்கும்" என்று விஷ் கூற, ​

அவளிடம் அதே அமைதி. ​

"ஜான்.." என்று அகா அவள் தோளில் கரம் வைக்க, ​

"நான் ரூமுக்கு போறேன் கைஸ்" என்றுவிட்டுச் சென்றாள்.​

"ஜான இப்படி பார்க்கவே கஷ்டமா இருக்குடா" என்று அகா கூற, ​

"எப்பவும் எதையுமே டேக் இட் ஈசியா கலகலனு கடந்து வர்றவள திடீர்னு இப்படி பார்க்கவே கஷ்டமா இருக்கு" என்று விஷ் கூறினான்.​

"அவளோட மொத்த எமோஷன்ஸும் மதி தான்.. அவ என்கிட்ட அவ்வளவு உறுதியா சொன்ன வார்த்தைடா அது. மதிக்கு ப்ரபோஸ் பண்ணிட்டு, அவனை லவ் பண்ணலை, பிடிச்சிருக்கு, லவ் பண்ணலாமானு கேட்டிருக்கேன். ஆனா லவ் பண்ணிட்டா விடவே மாட்டேன்னு அவ்வளவு உறுதியா சொன்னா. அந்த உறுதி தான் அவளை இவ்வளவு அழ வைக்குது" என்று துரு கூற, ​

இருவரும் ஆமோதிப்பாகத் தலையசைத்தனர்.​

அங்குக் கட்டிலில் தன் முட்டுகளைக் கட்டிக் கொண்டு அமர்ந்தவளுக்கு உடலெல்லாம் நடுங்கும் உணர்வு. ​

நடுக்கத்துடன் நிமிர்ந்து தன்னை நிலை கண்ணாடியில் பார்த்தவளுக்கு அழையா விருந்தாளியாய் சில நினைவுகள்.​

அன்று அவனைக் காண மருத்துவமனை வந்தவள் வெளியே காத்திருக்க, தனது வேலை நேரம் முடிந்து வந்தவன் அவளைக் கண்டு இன்பமாய் அதிர்ந்தான். ​

அவர்களது ஆஸ்தான இடமான அந்த வெதுப்பகம் வந்தவர்களிடம் சின்ன உரையாடல்.​

"என்ன இன்னிக்கு ரொம்ப லேட்?" என்று அவள் வினவ, ​

"ஒரு சூசைட் கேஸ்மா" என்றான். ​

"என்னாச்சு?" என்று அவள் வினவ, ​

"ட்ரூ லவ்.. மூனு வருஷம் பண்ணிருக்காங்க. அந்தப் பையன் ஏதோ ஆக்ஸிடென்ட்ல செத்துடானாம். அதை ஏத்துக்க முடியாமல் தற்கொலை முயற்சி பண்ணிருக்கா இந்தப் பொண்ணு" என்றான்.​

"ப்ச்.. வலி தான்.. ஆனா அதுக்கு இப்படியொரு முடிவா?" என்று ஜான் அங்கலாய்க்க, ​

"ஹ்ம்.. ரொம்ப தைரியசாலி. அதான் இந்த முடிவு" என்றான். ​

பெண்ணவள் அவனைப் புரியாது பார்க்க, "பெரும்பாலும் சூசைட் பண்றவங்கள கோலைனு சொல்றோம். லிட்ரலி நானும் அதை ஏத்துக்கும் ஒருத்தன் தான். ஆனா உண்மைலயே அதுக்கு நிறையா தைரியம் வேணும்மா. அவ்வளவு ஈசி இல்ல சூசைட் பண்றது. தெரிஞ்சே நமக்கு நாமே மரணத்தை ஊட்டி அதை அனுவனுவா அணுபவிச்சு சாகுறது பெரும் கொடுமை. கணநேர உந்துதல். நான் செத்துட்டா உன்னோட மன உணர்வு எப்படி இருக்கும் யோசி" என்றான்.​

அவ்வளவு தான்! புசுபுசுவெனக் கோபம் வந்திட்டது அவளுக்கு. ​

"ஷட் அப் மகி" என்று கத்தியே விட்டாள். ​

அதில் அரண்டு போனவன், "ஏ ஜானு.. ஜஸ்ட் அ ஸே (just a say).. சும்மா தான் சொல்றேன். நெருப்புனு சொன்னா சுட்டுடுமா?" என்று அவன் கூற, ​

அவன் கூற்றை அமோதித்த போதும் மனம் ஏற்றுக்கொள்ளவே இல்லை. ​

"ஒரு வாரம் கழிச்சு பார்க்க வந்திருக்கேன். இப்படியான வார்த்தைகள் தான் பேசனுமா?" என்றவள் கண்களில் கண்ணீர் இல்லை தான். ஆனால் நாசி சிவந்து குரல் நழிந்து வந்தது. ​

தன் விடயத்தில் அவள் எத்தனை தூரம் ஆழ்ந்திருக்கின்றாள் என்பது புரிய, "இங்கபாரு ஜானு. சாவு ஒன்னும் அபூர்வம் கிடையாது. எல்லாருக்கும் வரும் ஒன்றுதான். எனக்கும் வரும் உனக்கும் வரும். இப்படியொரு சொல்லுக்கே நீ எமோஷனல் ஆனா இன்னிக்கு நான் பார்த்த கேஸ் போலத் தான் நாளைக்கு யாரோ உன்னை ட்ரீட் பண்ண வேண்டி வரும்" என்றான்.​

"விளையாட்டுக்குப் பேசினா நானும் சிரிச்சு கடந்துடுவேன் மகி. சீரியஸ் டாபிக்ல இ..இப்டி பேசாத. எனக்குப் பிடிக்கலை" என்று அவள் கூற, ​

அப்போதும் விடாது "உண்மை கசந்தாலும் ஏத்துக்கிட்டு தான் ஆகனும்" என்றான். ​

"எப்பா டாக்டர்.. ஒத்துக்குறேன்.. நான் ஒன்னும் நீ இல்லைனா சூசைட்லாம் பண்ணிக்க மாட்டேன். இவர் பெரிய இவுரு.. இவரு போனா நாங்களும் பின்னோடயே வர்றதுக்கு" என்று அவள் கூற, ​

அவள் கூறியதில் வாய்விட்டுச் சிரித்திருந்தான்.​

அந்த நினைவுகளில் மூழ்கி மீண்டவள், "நான் உன்னை இழக்கக் கூடாது மகி. ப்ளீஸ் வந்துடு. இ..இந்த வலி எனக்கு இப்பவே வேண்டாம். உன்னோட எனக்கு ஒரு லைஃப் வேணும். ப்ளீஸ்" என்று கலங்க, ​

"ஜானு…" என்றபடி அவள் முன் தோன்றிய மகி அவளைத் தீண்டாதெனத் தெரிந்தும் முத்தங்களை வாரி வழங்கினான்.​

-வருவான்...

 

[Saranyakumar]

மதி பாடி யாருதான் திருடியது.ஜானை நினைச்சா ரொம்ப பாவமாக இருக்கு

 

[santhinagaraj]

மதியோட உடம்ப அப்படி யார் தான் கூப்பிட போனாங்க?? அத வச்சு அவங்க என்ன பண்ண போறாங்க??
ஜான் அழுவதை பார்க்கும் போது ரொம்ப கஷ்டமா இருக்கு

 

[Aandal Venkatraghavan]

மதி பாடி யாருதான் திருடியது.ஜானை நினைச்சா ரொம்ப பாவமாக இருக்கு

அடுத்த எபில தொரிஞ்சுடும் க்கா அதெல்லாம் ஜான் உடனே ஓகே ஆயிடுவா க்கா. அவளுக்கு சோககீதம் வாசிக்கல்லாம் எனக்கே வராது

 

[Aandal Venkatraghavan]

மதியோட உடம்ப அப்படி யார் தான் கூப்பிட போனாங்க?? அத வச்சு அவங்க என்ன பண்ண போறாங்க??
ஜான் அழுவதை பார்க்கும் போது ரொம்ப கஷ்டமா இருக்கு

அடுத்த எபில எல்லாம் தெரியவரும் க்கா
ஜான் ஓகே ஆயிடுவா க்கா. அவளுக்கு சோககீதமெல்லாம் செட்டாகுது, எனக்கு அவளுக்கு சோக சீன் வைக்கவும் வராது..‌‌‌‌‌‌‌‌

 

[Aandal Venkatraghavan]

அத்தியாயம்-12

திடீரெனக் கிடைத்த அவனது ஆர்ப்பரிக்கும் முத்தத்தினை தொடுகையாய் உணர முடியவில்லை என்றாலும் மனதால் உணர்ந்து திகைத்துப் போனாள்.

அவர்களுக்கிடையே அணைப்பே அரிதினும் அரிதாக இருந்த பட்சத்தில் முத்தமெல்லாம் அவள் நினைத்தும் பார்த்திட்டதில்லை. ஆனாலும் அவனது அணைப்பை உணர முடிந்த உவகையில் அவள் கண்களில் மெல்லிய நீர்ப்படலம்.

"ம..மகி" என்றதும் தான் அவளை விட்டு நீங்கியவன், சின்ன வெட்க சிரிப்பைச் சிதறவிட்டான்.

அதில் சிரித்துக் கொண்டவள், "வெக்கம் நாங்க படனும்" என்க,

"ஏன் ஆண்களுக்கு வெட்கம் வரக்கூடாதா? உனக்கு வெக்கம்லாம் சுட்டுபோட்டாலும் வராதுனு எனக்குத் தெரியும். அதனால உனக்கும் சேர்த்து நானே பட்டுக்குறேன்" என்றான்.

அதில் சிரித்துக் கொண்டவள், "சரி இந்தத் திடீர் முத்தத்துக்கு என்ன காரணம்" என்று வினவ,

தானும் சிரித்தபடி "யார் என் பாடிய திருடுனாங்கனு கண்டுபிடிச்சுட்டேன்" என்றான்.

அதில் கண்களை அகல விரித்தவள், "நிஜமாவா? யா..யாரு? எங்க இருக்கு? எப்படி கண்டுபிடிச்ச?" என்று படபடவெனக் கேள்விகளை எழுப்ப,

"சொல்றேன் சொல்றேன்.. ஆனா நம்ம சபைய கூட்டனும். சீக்கிரமா வரச் சொல்லு. நான் அதுக்குள்ள ஒரு ரௌண்ட்ஸ் அவங்க வீட்டுக்குப் போயிட்டு வரேன்" என்றதோடு மறைந்தான்.

"மறுபடியும் மாநாடா? அய்யோ அவனுங்க என்னைச் சாவடிக்க போறானுங்க. இவன் பொழச்சு வர்றதுக்குள்ள இதுங்கள வச்சு எனக்குப் பாடை கட்டிடுவான் போல" எனப் புலம்பியபடி சிரமத்துடன் மாடியேறினாள்.

மேலே சென்றவள் முதலில் அகாவுக்கு அழைக்க, 'நீங்கள் தொடர்பு கொண்டுள்ள வாடிக்கையாளர் தற்சமயம் வேறு ஒருவருடன் தொடர்பில் உள்ளார்' என்று பதிவு செய்யபட்ட குரல் ஒலித்தது.

"ம்க்கும்.. அவ யாருகூட தொடர்புல இருக்கானு எனக்குத் தெரியாதா?" என்று புலம்பியவள் துருவனுக்கு அழைத்தாள்.

உடனே அழைப்பு ஏற்கப்பட, "மச்சி நீ பேசாம கல்யாணமே பண்ணிக்காம இரேன்" என்றாளே பார்க்கனும்.

அதில் திடுக்கிட்டுப் போனவன், "அடியே.. உன் வாய்ல வசம்ப வச்சு தேய்க்க.. நல்ல வார்த்தையே பேச மாட்டியா?" என்க,

"நீ தான்டா நான் போட்டதும் கால் எடுத்துடுற" என்றாள்.

"இப்படினு தெரிஞ்சுருந்தா முழு ரிங்கும் முடியுற நேரம் எடுத்துருப்பேன்" என்றவன் "சரி என்ன?" என்க,

"கோச்சுக்காம மாடிக்கு வாங்கடா. மகி மாநாட கூட்ட சொல்லிச் சொன்னான்" என்றாள்.

"அடியே.. உனக்கும் வேலையில்ல அவனுக்கும் வேலையில்ல. கான்பரென்ஸ் போட்டுதொலை. சும்மா சும்மாலாம் படியேறி இறங்க முடியாது. இதுக்கு நான் சபரிமலை ஏறினா புண்ணியமாவது கிடைச்சிருக்கும்" என்று அழாத குறையாகக் கூற,

"ப்ளீஸ் மச்சி.. உன்வீட்டு படியவே சபரிமலையா நினைச்சு ஏறு. உனக்குச் சீக்கிரம் நல்லபடியா கல்யாணம் நடக்கும்" என்றாள்.

அவ்வளவே! அதற்குமேல் துருவன் மறுப்பானா? அங்கு விஷ்வேஷின் அறையில் மனையாளை மடியில் அமர்த்தியிருந்தவன், அவள் கன்னம்பற்றி, "ஓய் அத்தை பொண்ணு.. என்னைப் பாருடி" என்றான்.

நாணம் கொண்டு சிரித்தவள், "விடுங்க.. அத்தை கூப்பிட போறாங்க. டிஃபன் பண்ணனும்" என்க,

"அதெல்லாம் கூப்பிட மாட்டாங்க" என்று அவளை இறுக்கிப் பிடித்துக் கொண்டான்.

அவளிடம் மீண்டும் அதே வெட்கப் புன்னகை. அதை ரசித்தபடி மனையாட்டியின் பட்டிதழ்களை சுவைக்க ஆடவன் முன்னேறிய நொடி 'சட்டி சுட்டதடா.. கை விட்டதடா..' என்று பாடல் ஒலித்து அவனை ஸடன் பிரேக் அடித்து நிற்க வைத்தது.

"ப்ச்.." என்று கண்களை மூடியவன் பாடலை வைத்தே அது யாரென்று புரிந்துகொண்டு, "ஜான்…" என்று பல்லைக் கடிக்க,

அதில் களுக்கிச் சிரித்தபடி எழுந்த அமிர்தா, கதவுவரை சென்று சட்டெனத் திரும்பி வந்து பச்சென ஒரு இச்சு வைத்துவிட்டு ஓடிவிட்டாள்.

அதில் இன்பமாய் அதிர்ந்தவன், "அய்யோ.. என் பொண்டாட்டியே நல்ல ஃபார்ம்ல இருக்கும்போது இவனுங்க வேற" என்றபடி அழைப்பை ஏற்று, "என்னடா வேணும்" என்க,

“சட்டசபைடா.." என்று "ஈஈ" என்றாள்.

"மறுபடியுமா.. என் வீட்டு மாடியேறியே நான் இளைச்சுடுவேன் போல" என்று புலம்பியவன் "வந்து தொலையிறேன்" என்று மூக்கை சிந்தியபடி வந்தான்.

அடுத்த அழைப்பு மீண்டும் அகாவுக்குப் போக, "நீங்கள் தொடர்பு கொண்டுள்ள வாடிக்கையாளர் தற்சமயம் வேறு ஒருவருடன் தொடர்பில் உள்ளார்" என்று அலைப்பேசியில் கேட்டதை துரு கூறினான்.

ஜான் "இவ என்னடா விடிய விடியப் பேசுவா போலயே" என்க,

அங்கு மீண்டும் அழைப்பு வருவதைக் கண்ட அகா, அழைப்பை ஏற்று "என்னடா?" என்று சோர்வாகக் கேட்டாள்.

"அகா.. மேலவா" என்று ஜான் கூற,

"ம்ம்" என்றபடி மேலே வந்தாள்.

யாவரும் வந்திடவே அங்கு வந்த மதி உற்சாகமாக, "பொணத்தை யாரு கடத்தினாங்கனு கண்டுபிடிச்சுட்டேன்டா" என்று கூற,

"டேய் சூப்பர்டா! யாரு கடத்தினது? இப்ப எங்க இருக்கு?" என்று விஷ் வினவினான்.

"இப்ப எங்க இருக்குனு தெர்ல ஆனா கடத்தின களவாணி ரொம்ப டேஞ்சரஸ் போல" என்ற மதி நடந்தவற்றைக் கூறத் துவங்கினான்.

மதி, கிடைத்த துப்பும் பயனற்றுப் போன சோகத்தில் வேந்தன் வீட்டிற்கு செல்ல, அங்கு ஓய்ந்து இடிந்த ஆலமரத்தைப் போலக் குணசேகரன் அமர்ந்திருந்தார்.

"எ.. என் புள்ள உடம்ப கூடக் காப்பாத்த முடியாத பாவியா போயிட்டேனே" என்று அவர் கரகரத்த குரலில் புலம்ப,

அவர் தோள் சாய்ந்து அமர்ந்திருந்த அவரது மனைவி சாரு மேலும் கேவி அழுதார்.

"பெரியப்பா.. கால் எதுமே வரலையா?" என்று பிரபா வினவ,

'இல்லை' என்பதுபோல் தலையசைத்தார்.

"என் மருமகனுக்கு இப்படியா ஆகனும். அவன் வேணாமுன்னு சொன்னவ நல்லா இருப்பாளா" என்று ஊர்மிளா கூற,

அவர் அருகே அவரது சாபத்திற்கு உரியவளான அவரது மகள் மேலும் கேவி அழுதாள்.

இதற்குமேல் பொறுமை காக்க வேண்டாமென எண்ணிய பிரபா, "பெரியப்பா.. இது தற்கொலையா இருக்கவே வாய்ப்பில்லை. யாரோ உங்களயோ அண்ணாவையோ பழிவாங்க வேணும்னே பண்ணது" என்று கூற,

அதிர்ச்சியோடு நிமிர்ந்து பார்த்தவர், "என்ன பிரபா சொல்ற?" என்றார்.

"ஆமா பெரியப்பா.‌." என்றவன் ரூபாவை ஒரு பார்வை பார்த்துக் கொண்டு, "அண்ணா லவ் பண்ணது ரூபாவைத்தான்" என்க,

யாவரும் அவளை அதிர்ச்சியோடு திரும்பிப் பார்த்தனர்.

"என்னடா சொல்ற?" என்று அதிர்ந்த ஊர்மிளா மகளைப் பார்த்து "அவன வேணாமுன்னு சொன்ன பாவி நீதானாடி? நல்லா இருப்பியாடி நீ? இந்தக் குடும்பம் போட்ட சோத்த தின்னு வளர்ந்த உனக்கு இப்படி செய்ய மனசு எப்படிடி வந்தது" என்று மகளை அடிக்க,

அவரிடம் விரைந்து வந்தவன் அழுதபடி அடிவாங்கியவளைத் தன் தோளோடு அணைத்துக் கொண்டு, "ஏன்னா நாங்க ரெண்டு பேரும் நாலு வருஷமா காதலிக்குறோம்" என்றான்.

மொத்த குடும்பமும் அவர்களை அதிர்ச்சியோடு பார்க்க அந்தக் கூட்டத்தில் இருவரின் பார்வை மட்டும் வேறுபட்டது.

"ஆமா.. நானும் ரூபாவும் நாலு வருஷமா காதலிக்குறோம். அண்ணாக்கு ரூபா மேல ஒரு சின்ன ஈர்ப்பு. எல்லாரும் அண்ணாக்கு ரூபாவை முடிக்கப் பேசினதால் அப்ரோச் பண்ண பேச வந்தபோதே ரூபா மறுத்துட்டா. காரணம் கேட்டப்ப தயங்காம எங்க காதலை சொல்லவும் அண்ணாவும் மரியாதையோடு விலகிக்கிட்டார். அண்ணா நினைச்சிருந்தா முதல்ல காய் நகர்த்தி ரூபாவை கல்யாணம் பண்ண முயற்சி பண்ணிருக்கலாம். தற்கொலைக்கு அவசியமே இல்லை. அதனால இது தற்கொலையா இருக்க வாய்ப்பே இல்லை. ரெண்டு பிணத்தைக் கடத்தினது கூடச் சும்மா ஆர்கன் திருட்டு, கண்டுபிடிக்க முடியாதுனு காவலர்கள் சீக்கிரம் கைய விரிச்சிடுவாங்க என்ற எண்ணத்தில் அந்த எதிராளி செய்ததா தான் இருக்கும். நம்ம குடும்ப பகைக்கு அநியாயமா இன்னொருத்தர் பிணமும் பலியாகக் கூடாது. நம்ம சீக்கிரம் இதைக் கண்டுபிடிக்கனும்" என்று பேசி முடித்தான்.

"நீயாவது என்னைப் பத்தியும் யோசிச்சியே.. ரொம்ப நல்லதுடா ராசா" என்று மதி கூறிக் கொள்ள,

அங்கு ரூபாவின் அழுகையொலி மட்டுமே ஒலித்தது.

"பெரியப்பா.." என்று பிரபா அழைக்க,

"நீ சொல்றது சரிதான் பிரபா. இந்த விஷயம் தெரிஞ்ச யாரோ தான் இதைப் பயன்படுத்தி காய் நகர்த்தி இருக்காங்க. என்னோட பிஸ்நெஸ் பகையாளியா இருந்தா எதாவது டிமேன்ட் பண்ணிருக்கனுமே.." என்று யோசித்தார்.

யோசனையில் நேரம் சென்றுகொண்டே போக,

"சரி நான் போலீஸ் கிட்ட இதுபத்தி பேசுறேன்" என்று குணா கூறினார்.

யாவரும் அவரவர் அறைக்குச் செல்ல, மீண்டும் ஒவ்வொரு அறையாக மதி உளாவினான்.

அப்போது ஊர்மிளா மற்றும் மாரிமுத்துவின் அறைக்குள் நுழைந்தவன் மனைவி குளியலறை சென்றதை உறுதி செய்துக் கொண்டு பால்கனி சென்றவர் பரபரப்போடு யாருக்கோ அழைப்பதைக் கண்டு, 'அந்தப் பையன் லவ் மேட்டர் சொல்லும்போதே இந்தாளு முகம் மாறிச்சுல?' என்று எண்ணியபடி அவரின் அருகே சென்றான்.

அழைப்பு ஏற்கப்பட்டதும், "டேய் பொணம் பத்திரமா?" என்று இவர் வினவ,

விழிகள் தெரிக்க அவரைப் பார்த்தவன், "அடப்படுபாவி.." என்றான்.

அந்தப்பக்கம் யாரோ, "பத்திரமா தான் இருக்கு சார்" என்க,

ஏதோ கூறவந்து பின்பு யோசித்தவர், "இங்க ஓரளவு நடந்தது கொலை இல்லைனு கண்டுபிடிச்சுட்டாங்கடா. ரெடியா இருங்க. விஷயம் எதும் தெரியுறபோல இருந்தா பொணத்துலருந்து ஆர்கன்ஸ் எடுத்துட்டு எங்கயாவது டிஸ்போஸ் பண்ணிடுங்க. அப்பதான் ஆர்கன் கடத்துற கும்பல்னு நம்புவாங்க" என்று கூறினார்.

கேட்டுக் கொண்டிருந்த மதிக்கு கதி கலங்கியது.

"அடேய்.. உன் குடும்ப பிரச்சினைக்கு நான் என்னடா பண்ணுவேன்? எனக்கு இருக்குறதே ஒரே ஹார்டு ரெண்டே கிட்னி கொஞ்சம் கொடலு (குடல்) லிவரு தான்டா.. அதைப் போய் எடுப்பேன் வைப்பேனுங்குறியே" என்று மதி புலம்புகையில் ஊர்மிளா வர,

அழைப்பைத் துண்டித்துக் கொண்டு உள்ளே சென்றவர் அழும் மனைவியைத் தோளில் தாங்கிச் சமாதானம் செய்தார்.

அனைத்தையும் கூறிமுடித்த மதி, "இது தெரிஞ்ச உடனே தான் உன்கிட்ட வந்து சொன்னேன் ஜானு. அப்றம் தான் அந்த ஃபோன் போட்டவன் யாருனு கண்டுபிடிக்கத் திரும்பப் போய் அவன் ஃபோன்ல செக் பண்ணி நம்பர் நோட் பண்ணிட்டு வந்தேன்" என்று இலக்கங்களைக் கூறினான்.

"உடனே நான் இந்த லொகேஷன கண்டுபிடிக்குறேன். நம்ம போய் ரெண்டு பாடியையும் கொண்டு வந்துடலாம்" என்று விஷ் கூற,

"இல்ல விஷ். அது ரிஸ்க். அவன் ரொம்ப டேஞ்சரா இருப்பான். மருமகனையே கொலை பண்ணுமளவு யோசிச்சவன் பொணத்தை அவ்வளவு சுலபமா தப்ப விடமாட்டான். நீ லொகேஷன கண்டுபிடி மித்தத நான் பார்த்துக்குறேன்" என்று மதி கூறினான்.

-வருவான்...

 

[Saranyakumar]

அப்பாடா மதி பாடியை யார் எடுத்தாங்கன்னு தெரிஞ்சுருச்சு அவன்கிட்ட இருந்து எப்படி மதியை காப்பாத்தறது

 

[santhinagaraj]

ஒரு வழியா மதி பாடிய யாரு கடத்தினாங்கன்னு தெரிஞ்சிருச்சு இனி எப்படி அதை எடுத்துட்டு வர போறாங்க??

 

[Mathykarthy]

மதி செம க்யூட்

எதுக்காக வேந்தனை கொலை பண்ணியிருப்பாரு அவங்க மாமா

அவர் பொண்ணு லவ் தெரிஞ்சிருக்குமோ அவன் இல்லனா சொத்து எல்லாம் அவர் பொண்ணுக்கும் மாப்பிள்ளைக்கும் நினைச்சு கொன்னு இருப்பாரோ....

 

[Shamugasree]

Epdi body ah kandupudichu kondu vara poranuga. Antha oormila husband soththu avar ponnuku varanum nu ipdi senjara illa vera reason iruka

 

[Aandal Venkatraghavan]

அப்பாடா மதி பாடியை யார் எடுத்தாங்கன்னு தெரிஞ்சுருச்சு அவன்கிட்ட இருந்து எப்படி மதியை காப்பாத்தறது

காப்பாத்த வேற யாரு வருவா? அவனும் அவன் ஆளும் தான் தேடவும்

 

[Aandal Venkatraghavan]

ஒரு வழியா மதி பாடிய யாரு கடத்தினாங்கன்னு தெரிஞ்சிருச்சு இனி எப்படி அதை எடுத்துட்டு வர போறாங்க??

அவனும் அவன் ஆளும் சேந்து தான் கண்டுபிடிக்கனும் க்கா

 

[Aandal Venkatraghavan]

மதி செம க்யூட்

எதுக்காக வேந்தனை கொலை பண்ணியிருப்பாரு அவங்க மாமா

அவர் பொண்ணு லவ் தெரிஞ்சிருக்குமோ அவன் இல்லனா சொத்து எல்லாம் அவர் பொண்ணுக்கும் மாப்பிள்ளைக்கும் நினைச்சு கொன்னு இருப்பாரோ....

வாவ் அக்கா.. நைஸ் கெஸ்

 

[Aandal Venkatraghavan]

Epdi body ah kandupudichu kondu vara poranuga. Antha oormila husband soththu avar ponnuku varanum nu ipdi senjara illa vera reason iruka

நெஸ் கெஸ் க்கா மதியும் ஜானு சேந்து தான் கொண்டு வரனும்

 

[Aandal Venkatraghavan]

அத்தியாயம்-13​

"என்ன பண்ண போற மகி?" என்று ஜான் வினவ, ​

"விஷ் லொகேஷன் கண்டுபிடிக்கட்டும். அந்த லொகேஷன அந்த இறந்து போன பையனோட தம்பிக்குத் தெரிய படுத்தனும். அந்த மாரிமுத்து விஷயம் கசிஞ்சா பொணத்தை எதாச்சும் செய்துடலாம்னு ப்ளான் பண்ணதை வச்சு பார்த்தா அவனுக்கு அவன் ஆட்கள் மேலயே நம்பிக்கை இல்லைனு தெரியுது. சீக்கிரம் பொணம் யார் கைக்குக் கீழயும் இல்லாம டிஸ்போஸ் பண்ணிட்டா தான் சேஃப்னு யோசிக்குறான். அப்ப இந்த வேலையைச் செய்து கொடுத்த ஆள் அவனுக்கு அவ்வளவு நம்பிக்கையான ஆட்களா இருக்க மாட்டாங்க. இடம் தெரிஞ்சு பிரபா அங்க போனா அங்க யாரையாவது இவன் கைக்கு மாட்ட வைக்கும்படி நான் பண்ணிடுவேன். அப்படி பண்ணிட்டா அந்த யோக்கியனை அடியாளை வச்சு அவங்க கண்டுபிடிச்சுகிட்ட மாதிரியும் இருக்கும் நம்ம பிணம் கிடைச்ச மாதிரியும் இருக்கும்" என்று மதி கூறினான்.​

அவனை 'ஆ' எனப் பார்த்த ஜான், "என்னடா சி.ஐ.டி ரேஞ்சுக்கு பேசுற?" என்க, ​

"சைக்கேட்ரிஸ்ட் மா" என்று இல்லாத காலரைத் தூக்கிவிட்டுக் கொண்டான். ​

"எப்படி அந்தப் பிரபாவுக்கு இதைத் தெரியப்படுத்த?" என்று அகா வினவ, ​

"நம்மல்ல யாராவது தான் அவனுக்குச் சொல்லனும். ஆனா எப்படி சொல்ல? நேரடியா போய்ப் பேசினா எதும் பிரச்சினை வராதா?" என்று யோசித்தான்.​

"எனக்கு ஒரு யோசனை.. நான் வேணும்னா செல்ஃபோன் பூத் எதிலருந்தாவது அவங்கள காண்டேக்ட் பண்ணி டீடைல சொல்றேன்" என்று அகா கூற, ​

"ஏ.. நைஸ் ஐடியா அகா. உன்னோட மிமிக்கிரி திறமைய காட்டு" என்று மதி கூறி சிரித்தான்.​

"உனக்கு என் தயவு வேணும் ராசா.. என் திறமைய ஓட்டாம அமைதியா இரு" என்று அகா கூற, ​

இவர்கள் உரையாடலில் கலந்துக் கொள்ளாத விஷ் அந்த எண்ணின் விவரங்களைத் தேடினான். ​

"அகா.. அட்ரஸ் நோட் பண்ணிக்க" என்று தான் கண்டுபிடித்ததை விஷ் கூற, ​

அவற்றைத் தனது அலைப்பேசியில் சேகரித்தவள், “அவங்க (பிரபா) நம்பர்?" என்றாள். ​

"இதென்ன பிரமாதம்? எனக்காகச் சாவயே பார்த்து வந்துட்டான். நம்பர் வாங்கிட்டு வரமாட்டானா? போடா மகி.. போய் அவன் நம்பர வாங்கிட்டுவா" என்று ஜான் கூற, ​

"உனக்கு எகத்தாளம்டி" என்றபடி மறைந்தவன் சில நிமிடங்களில் அவனது அலைப்பேசி இலக்கங்களுடன் வந்தான்.​

அதனையும் சேகரித்தவள் அங்கிருந்து செல்ல, மதியும் அவளுடனேயே சென்றான். ​

பொது அலைப்பேசி மையத்திற்கு சென்றவள் படபடப்போடு அவனது எண்ணிற்கு அழைக்க, ​

சில நொடிகள் அழைப்பு எடுக்கப்படாது ஒலித்தது. ​

பின் அழைப்பு ஏற்கப்பட்டதும் "ஹலோ.." என்று பிரபா அழைக்க, மதியைப் பார்த்தாள். ​

"பேசு பேசு" என்று அவன் கூற தொண்டையைச் செருமியவள் தனது கீச் குரலில் "ஹலோ.. வேந்தனோட தம்பியா?" என்றாள். ​

"ஆமா? நீங்க யாரு?" என்றவன் குரலில் சிறு படபடப்பு எழ, ​

"நான் சொல்ற லொகேஷன நோட் பண்ணிக்கோங்க" என்றவள் அந்த இடத்தின் விவரங்களைக் கூறி, "அங்கதான் உங்க அண்ணா பாடி இருக்கு" என்றாள்.​

"ஏ.. நீங்க யாரு? என்ன வேணும் உனக்கு?" என்று அவனது அதிரடியான குரல் பெண்ணவளைத் திடுக்கிடச் செய்ய, ​

சிலநொடி தடுமாறியவள், "கு..கூடவே தொலைஞ்சுபோன பொணத்தை எப்படியாவது காப்பாதிடுங்க சார்" என்று அழும்குரலில் கூறிவிட்டு அழைப்பைத் துண்டித்தாள்.​

அப்போதே அவளுக்குப் பெருமூச்சு வர, "பெர்ஃபெக்ட் ஷாட். டேக் ஓகே" என்று மதி கூற, ​

"இங்கென்ன படமா எடுக்குறாங்க? போய் அவனோட ரியாக்ஷன் என்னனு பாரு" என்று முறைத்தபடி அகா கூறினாள்.​

"ஆமால்ல.. சரி நீ பார்த்துப் போ" என்றவன் மறைய, அங்கு அலைப்பேசியை யோசனையோடு பார்த்தவன் அவனுக்குத் தெரிந்த காவல் நண்பனைத் தொடர்பு கொண்டார்.​

"மச்சி.. அண்ணா பாடி இருக்குற லொகேஷன்னு ஒரு பொண்ணு எனக்குக் கால் பண்ணி சொன்னா" என்று பிரபா கூற, ​

"யாருடா?" என்று எதிர்முனையில் அவனது நண்பன் சிபி கேட்டான்.​

"தொலைஞ்சுபோன இன்னொரு பாடிக்கு சொந்தமானவங்கனு நினைக்குறேன். பிராங்க் கால்போலத் தோனலை. என் உள்ளுணர்வு சரியா இருந்தா ஏதோ விஷயம் தெரிஞ்சு வெளிய சொல்லப் பயந்து அவங்க என்னைக் காண்டாக்ட் பண்ணிருக்கனும். சொன்னது யாருனு நமக்கு முக்கியமில்லை. நமக்குத் தேவை அந்த ரெண்டு பாடி தான். லொகேஷன் அனுப்புறேன் நீயும் வந்துடு" என்று கூறிய பிரபா விரைந்தே புறப்பட, ​

"எஸ்.." என்று மதி மகிழ்ச்சி அடைந்தான்.​

மீண்டும் தன் நண்பர்களிடம் வந்தவன், "நம்ம ப்ளான் படி நடக்குது. அந்தப் பிரபா அவன் பிரண்டோட அங்க போறான்" என்று கூற, ​

"நானும் அங்க போகனும்" என்று ஜான் கூறினாள். ​

நால்வரும் அவளை அதிர்ச்சியோடு திரும்பிப் பார்க்க, ​

"ஏ ஜான்.. அது ரிஸ்கு" என்று விஷ் கூறினான்.​

அப்போது அகாவின் அலைப்பேசி ஒலிக்க அழைப்பது அகர் என்பதைக் கண்டவள், அழைப்பைச் சைலென்டில் போட்டாள். ​

"நீ போய்ப் பேசிட்டுவா அகா.." என்று துரு கூற, ​

"இல்லை வேணாம்டா. அப்றம் பேசிக்குறேன்" என்றாள்.​

"என்னாச்சு எதும் பிரச்சினையா?" என்று விஷ் வினவ, ​

பிரச்சினை தான் என்றபோதும் தற்போது இருக்கும் கலக்கத்தில் இதைக் கூற வேண்டாம் என்ற எண்ணத்தில், "நான் பேசிட்டு வரேன்" எனச் சென்றாள்.​

"என்னடா எதும் பிரச்சினையா?" என்று ஜான் வினவுகையில் அங்கு அகா கண்ணீரை துடைத்தபடி தலையை ஆட்டிப் பேசிக் கொண்டிருக்க, ​

சூழ்நிலையைக் கையில் எடுத்த விஷ், "எதோ பிரச்சினைனு நினைக்குறேன். துரு நீ போய் என்னனு பாரு" என்று அனுப்பிவிட்டு ஜானிடம் திரும்பி, "எதுக்கு அங்க போகனும் உனக்கு?" என்று கேட்டான்.​

"நானும் மகியும் போறோம்டா. மகியோட பாடி கிடைச்சு அவங்க ஹாஸ்பிடல்ல கொடுத்து அடுத்து அந்தப் பார்மாலிடீஸ்ல அலையுறது பெரும் பாடா இருக்கும். அவங்க என்னைப் பார்த்துட்டா கூட அகா போலப் பேசினது நான் தான்னு சொல்லிக்குறேன். எனக்கு அவங்க பார்த்துக்கட்டும்னு விட முடியாது விஷ். அதுமட்டுமில்லாம கடத்துனவங்க சப்போஸ் இடம் மாறிட்டா லொகேஷன் நமக்குத் தான் தெரியும். அதனால தான் சொல்றேன்" என்று ஜான் விளக்க, ​

"சரி நீதான் போகனுமா? துருவும் மதியும் போகட்டுமே" என்று விஷ் கூறினான்.​

யாவரும் துருவை நோக்க, அழுது கொண்டிருக்கும் அகாவை அணைத்து ஆறுதல் படுத்த முயற்சித்துக் கொண்டிருந்தான். ​

"அகா அழுறானா கண்டிப்பா அகர் மேட்டரா தான் இருக்கும் விஷ். அவன் அவளைப் பார்க்கட்டும். நானும் ஜானுமே போறோம். அதான் நான் இருக்கேன்ல? ஒரு நிலையான உடல் கொண்ட மனிதனுக்கு கூடப் பயப்படாத ஆட்கள் ஆத்மாக்கு பயப்படுவாங்க. நாங்களே போறோம். நீ அவளுக்கு லொகேஷன் மட்டும் சொல்லிட்டு இரு" என்று மதி கூறினான்.​

விஷ்வேஷும் ஒருவாறு ஒப்புக்கொள்ள, இருவரும் புறப்பட்டனர். ​

அங்கு அகா கொடுத்த விவரம் படி ஓரளவு அந்த இடத்தை நெருங்கியவர்களில் பிரபா, "இந்த இடம் தான்.. ஆனா இந்த ஏரியால எங்கனு தெரியலையேடா" என்று புலம்பினான். ​

"மச்சி.. இந்த ஏரியால ஒரு பழைய மில் ஒன்னு இருக்குனு சொல்றாங்க.. அங்க தேடி பார்க்கலாம்" என்று அவனது தோழன் சிபி கூற, ​

"சரி வாடா" என்று முன்னேறினான்.​

சில நிமிடங்களில் விஷ்வேஷ் வழிகாட்டுதலில் தானும் ஓரளவு இடத்தைக் கண்டுகொண்டு வந்திருந்த ஜான் மற்றும் மதி ஒரு பழைய கட்டிடத்தின் முன் நின்றனர். அந்தப் பழைய மில்லே தான்!​

"ஜான்.. அதுதான் லோகேஷன். அக்யூரேட்டா தெரியலைனாலும் உனக்கு நார்த்ல ஒரு பத்து மீட்டர் டிஸ்டென்ஸ் குள்ள தான் அந்த ஃபோன் லொகேஷன் காட்டுது" என்று விஷ் கூற, ​

"ம்ம்" என்றவள் மதியைப் பார்த்தாள். ​

அவன் மெல்ல தலையசைக்க இருவரும் பதுங்கிப் பதுங்கி உள்ளே நுழைந்தனர்.​

ஏற்கனவே உள்ளே இருக்கும் பிரபா மற்றும் சிபி வேறு பக்கம் மறைந்திருந்து தேட, ​

இரு பிணங்களுக்கும் அருகில் இரண்டே இரண்டு தடியர்கள் மட்டும் அமர்ந்திருந்தனர். ​

"என்னடா அவரு எதும் கால் பண்ணாறா?" என்று ஒருவன் வினவ, ​

"இல்லைடா. அடுத்து ஃபோன் பண்ணா பொணத்தை வெட்டி வீசிட்டு வேலைய பார்க்கப் போகலாம்" என்று மற்றையவன் கூறினான்.​

அவனது குரல் அமைதியான அந்த இடத்தில் சற்று உரக்க ஒலிக்க, பிணங்களைத் தேடி வந்த நால்வரும் குரல் வந்த திசை நோக்கி முன்னேறினர்.​

இருவரில் ஒருவன் மட்டும் சற்று இளைப்பாற வேண்டி நகர்ந்து வர, முன்னே நடந்து சென்று கொண்டிருந்த ஜான் அவனைக் கண்டதும் பதறி மறைவாக நின்றுக் கொண்டாள். ​

அவன் செல்லவும் பின்னோக்கி நகரந்தவளது முதுகு யார்மீதோ மோதிய உணர்வைக் கொடுக்க, திடுக்கிட்டுப் போனவள், 'செத்தேன்' என்று நினைக்க அவள் நெற்றியில் துப்பாக்கியை வைத்து அழுத்தினான் பிரபாவின் தோழன் சிபி.​

அதில் அரண்டு போனவள் முன் மதி தோன்ற, "ஏ பைத்தியம்.. உறுப்பிடியா மறைஞ்சு போகத் தெரியுதா உனக்கு?" என்று திட்டினான்.​

"யார் நீ? பிணத்த எங்க வச்சிருக்க?" என்று அவன் கேட்கவும், ​

"பிரபா பிரண்ட் இவன் தான் போல ஜானு" என்று மதி கூறினான். ​

"நி..நீங்கப் பிரபா ஃபிரண்டா?" என்று அவள் கிசுகிசுப்பான குரலில் வினவ, ​

அவளைத் திருப்பியவன் கேள்வியாய் பார்த்தான்.​

"இ.இந்த லொகேஷன் தந்த பொண்ணு நான் தான்" என்று மீண்டும் அவள் கூற, ​

அவனிடம் அதே சந்தேகப் பார்வை. ​

"இன்னொரு பொணம் என் ஆளுதான்னு ஃபீலிங்கா சொல்லுடி" என்று மதி கூற, ​

'இவன் வேற' என்று எண்ணியவள், முயன்று வரவழைத்த கரகரக்கும் குரலோடு, "அ.. அந்த இன்னொரு பிணம்… என்.. என் மகி" என்று முகத்தை மூடிக் கொள்ளவும், ​

"இது ஒன்னு வசதியா கத்து வச்சுகிட்டடி. முகத்தை மூடி உடம்பை ரெண்டு குலுக்கு குலுக்கினா அழுவுறதா ஆயிடுது" என்று மதி கூறினான்.​

'மவனே நீ பொழச்சு வாடா நானே உன்னைக் கொல்லுறேன்' என்று எண்ணிக் கொண்டவள், "என் மகி எனக்கு வேணும்" என்க, ​

தற்போது அவனிடம் அந்தச் சந்தேகப் பார்வை இல்லை. ​

"எங்க கிட்ட கேட்டுட்டு நீங்க எதுக்கு வந்தீங்க?" என்றவன் ஏதோ சத்தம் கேட்கவும், ​

"வெளியவே இருங்க. அதுதான் நல்லது" என்றுவிட்டுச் சென்றான்.​

"ஹப்பா.." என்று பெருமூச்சு விட்டவள், "வாடா.." என்று மதியைக் கூட்டிக் கொண்டு நகர, ​

நடை பயின்று கொண்டிருந்த அடியாள் மீண்டும் அவ்வழியில் வந்தான். ​

தற்செயலாய் ஒரு திருப்பத்தில் இருவரும் சந்திக்க நேரிட, அவனைக் கண்டவுடன் "ஆ.." என்று மதி கத்தி விட்டான்.​

அவன் கத்தியதில் திடுக்கிட்டுப் போன ஜானும் கத்திவிட, அங்குப் பிணத்தின் அருகே இருந்தவனும் சத்தம் கேட்ட எழுந்து விட்டான்.​

மதி கத்தியதில் ஜான் கத்த, ஜான் கத்தியதில் அந்தத் தடியனும் கத்திவிடவும் தான் சுயம் பெற்றவள் பக்கவாட்டாகத் திரும்பி, "பக்கி நாயே.. அறிவில்ல.. மனுஷி நானே பயப்படலை. நீ பேய் தான? உனக்கெதுக்குடா பயம்? நீ கத்தி உன்னால நான் கத்தி என்னால இந்தண்ணன் கத்தி" என்று திட்டாள்.​

ஆளில்லா கடையில் டீ ஆத்துவது போல் யாருமே இல்லாமல் அவள் பேசுவதை அவன் அதிர்ந்து நோக்க, ​

"சாரி பிரதர்.. இவன் அப்பப்ப பேயாயிட்டதை மறந்து மறந்து போயிடறான். நீங்க வேற தாடி கீடிலாம் வச்சு வெறப்பா இருக்கவும் பயந்துட்டான்" என்றாள்.​

அதில் மேலும் குழம்பிப் போனவன், நகர இருந்தவள் கைபற்றி நிறுத்தி, "யாருமா நீ?" என்று எகுற, ​

அந்த இன்னொரு தடியனும் வந்திருந்தான். ​

"பாருடா.. உன்னால இன்னொரு அண்ணாவும் வந்துட்டாங்க" என்றவள் "அண்ணா.. நான் சிவனேனு தான் வந்தேன். இவன் தான் முதல்ல கத்தினது" என்று அருகே காட்டினாள்.​

அவள் சுட்டிக்காட்டிய காலி இடத்தைப் பார்த்து எச்சிலைக் கூட்டி விழுங்கியவன், "டேய் உனக்கு எதும் தெரியுது?" என்று வினவ, ​

"இல்லைடா" என்று மற்றையவன் கூறினான்.​

"என்ன யாருமே இல்லாம படம் காட்றியா?" என்று அவன் கத்த, ​

"அய்யோ சந்தியமா இருக்கான்ணா. டேய் அண்ணா கேக்குறாருல.. உன் வித்தை எதையாச்சும் காட்டுடா" என்றவள் "ஸ்விட்ச் போர்ட் எங்க இருக்கு அண்ணா" என்று கேட்டாள்.​

இருவரும் திருதிருவென விழிக்க, ​

"ஒன்னும் பிரச்சினை இல்ல ண்ணா" என்றவள், "டேய்.. அந்தக் கிடக்குற டிரம்மெல்லாம் உருட்டி விடு" என்க, அணைத்தும் டமடமவென உருண்டது.​

அதில் இருவரும் அரண்டுபோக, ​

"ஏய்.. உன்கூட வேற யாரு இருக்காங்க?" என்கையில் தான் அவனுக்குப் பிணத்தின் நினைவு வந்தது. ​

"டேய் இவள கெட்டியா புடிச்சுக்கடா" என்று அவன் திரும்புகையில் கையில் துப்பாக்கியுடன் நின்றிருந்த சிபி "யூ ஆர் அன்டர் அரெஸ்ட்" என்று கூறினான்.​

-வருவான்...

 

[Shamugasree]

Jaan enna make di née. Unaku replacement née mattum Tha pola.

 

[santhinagaraj]

அடேய் இப்படி ஒருத்தர் மாத்தி ஒருத்தர் கத்தி ஆர்ப்பாட்டம் பண்றதுக்கு எதுக்குடா மறைஞ்சு மறைஞ்சு போனீங்க நேராவே போயிருக்கலாம்ல.
ஜான் ஆனாலும் உன்னை அடிச்சுக்க ஆளே இல்ல போ

 

[Saranyakumar]

பாவம் மகி ஜானுக்காக உயிரையே பணயம் வச்சு,இப்ப அவன் பாடியைத் தேடி அலையறான்

 

[Aandal Venkatraghavan]

Jaan enna make di née. Unaku replacement née mattum Tha pola.

Engaluku veru engum kilaigal illai kka

 

[Aandal Venkatraghavan]

அடேய் இப்படி ஒருத்தர் மாத்தி ஒருத்தர் கத்தி ஆர்ப்பாட்டம் பண்றதுக்கு எதுக்குடா மறைஞ்சு மறைஞ்சு போனீங்க நேராவே போயிருக்கலாம்ல.
ஜான் ஆனாலும் உன்னை அடிச்சுக்க ஆளே இல்ல போ

Ava oru unique piece kka kathi kathi usara edukuranga.. chcha udamba edukurangalam kka

 

[Aandal Venkatraghavan]

பாவம் மகி ஜானுக்காக உயிரையே பணயம் வச்சு,இப்ப அவன் பாடியைத் தேடி அலையறான்

Athaana kka manaivi Sol thattatha kanavan

 

[Mathykarthy]

அடேய்
ஜான் ஆக்ஷன் பிளாக் எதிர்பார்த்தா மேஜிக் ஷோ காட்டுற

ஆவியை வச்சு வித்தை காட்டுனது நீ மட்டும் தான் மா

 

[Aandal Venkatraghavan]

அடேய்
ஜான் ஆக்ஷன் பிளாக் எதிர்பார்த்தா மேஜிக் ஷோ காட்டுற

ஆவியை வச்சு வித்தை காட்டுனது நீ மட்டும் தான் மா

வெல்கம் டூ கிரேட் கரிகாலன் மேஜிக் ஷோ அக்காவ்

ஆக்ஷன் எல்லாம் நம்ம ஜானுக்கு வருமா க்கா அதுவே கமெடி ஆக்டரு

 

[Aandal Venkatraghavan]

அத்தியாயம்-14​

அவனைக் கண்டதும் உள்ளத்தால் குதூகலித்த ஜான், "புடிங்க சார் இவன. கையபோட்டு என்னமா முறுக்குறான்" என்க, ​

இரண்டு தடியர்களுக்கும் கதி கலங்கி போனது.​

இரண்டு மூட்டைகள் கொண்ட ஸ்டிரெச்சரைத் தள்ளிக் கொண்டு வந்த பிரபா, கையில் விலங்குடன் தன் தோழனின் துப்பாக்கி முனையில் அமர்ந்திருக்கும் இரண்டு தடியர்களைக் கண்டான். ​

அருகே இருக்கும் பெண்ணவளைக் கண்டு அவன் புருவம் சுருக்க, "உனக்கு இன்பர்மேஷன் கொடுத்த பொண்ணு" என்று சிபி கூறினான். ​

"ஓ.. நீங்கத் தானா.. ரொம்ப தேங்ஸ்மா" என்று அவன் கூற, ​

"எ.. என் மகி" என்றாள். ​

இரண்டு மூட்டைகளையும் அவன் அவிழ்க்க, ஜான்விகாவின் அருகே நின்றிருந்த மதியின் ஆத்மா ஏதோ சுழலில் சிக்கி இழுபடுவதுப் போல் உணர்ந்தது.​

"ஜானு.." என்று அவன் அலறும் குரல் கேட்டுத் திடுக்கிட்டுத் திரும்பியவளுக்கு தங்க நிற துகள்கள் மட்டுமே தென்பட, சட்டென விழிகள் விரிய பிரபா புறம் திரும்பினாள். ​

தனது தமையன் உள்ள மூட்டையை கீழே வைத்தவன் மதியை வெளியே எடுக்க, ​

"மகீ.." என்ற கூவலோடு சென்று அதனை அணைத்துக் கொண்டாள்.​

அவள் கண்களில் நீர் நில்லாது பொழிய, "மகி என்னைப் பாருடா.. மகி.. மகி" என்று அவன் கன்னம் தட்டினாள். ​

அவளது செயல் கண்ட யாவரும் அதிர்ந்துபோக, பிரபாவுக்கு அவளது கண்ணீரைக் காண வருத்தமாக இருந்தது.​

"மகி.. பாருடா.. ப்ளீஸ் மகி என்னைவிட்டு போயிடாத. நி..நிஜமா.. சூசைட் பண்ணிடுவேன்டா.. பாருடா" என்று அவள் அழுதுகொண்டே மிரட்ட, ​

"ம்மா.. ஹீ இஸ் நோ மோர்.." என்று பிரபா கூறினான்.​

அவனைக் கண்ணீரோடு நிமிர்ந்து பார்த்தவள், 'இல்லை' எனும்விதமாய் தலையசைத்து, "மகி.. ப்ளீஸ் பாரு மகி. நீ இல்லாம என்னால நிஜமா.. கஷ்டம்டா. பாரு மகி" என்று அழுதாள். ​

"உங்க கூட வேற யாரும் இல்லையா?" என்று சிபி வினவ, ​

அழுதபடி, "மகி.." என்றாள். ​

அவளுள் அப்படியொரு பதட்டம்.. அவன் ஆத்மா இங்கு இல்லை… எனில் மகி ஏன் கண்விழிக்கவில்லை என்று புரியாது கல்ஙகினாள்.​

'ஏன் மகி முழிக்க மாட்டேங்குற?' என்று கண்ணீர் சிந்தியபடி அவள் அவன் மார்பில் சாய, ​

"சாரிமா.. எங்க தனிபட்ட பிரச்சினைல யாரோ உங்களுக்குச் சம்மந்தமானவரையும் எடுத்துட்டு வந்திருக்காங்க" என்று பிரபா கூறினான்.​

சட்டென ஏதோ மின்னல் வெட்டியதைப் போல் உணர்ந்தவள், நிமிர்ந்து, "யா..யார் பண்ணது?" என்று வினவ, ​

"தெரியலை" என்றான். ​

அந்தத் தடியர்கள் புறம் திரும்பியவள், "இ..இவங்களுக்கு தெரியும்ல?" என்று வினவ, ​

பிரபாவின் பார்வை அவர்கள் புறம் சென்றது. ​

"ப்ளீஸ்.. கேளுங்க.. இப்பவே கேளுங்க" என்று அவள் கூற, ​

அந்தத் தடியனின் அலைப்பேசி ஒலித்தது. ​

சிபியை முந்திக் கொண்டு ஓடியவள் அதை எடுத்து ஸ்பீகரில் போட, "டேய்.. இந்தப் பிரபா பயல ரொம்ப நேரமா காணும். அவன் எதையோ ஸ்மெல் பண்ணிட்டான்னு நினைக்குறேன்.. பொணத்தை என்னமாது பண்ணிட்டு எங்கேயாவது போயிடுங்க" என்று மாரிமுத்து கூறினான்.​

'மாமா..' என்று பிரபா முனுமுனுக்க, ​

அலைப்பேசியில் 'மியூட்' என்ற பொத்தானை அழுத்தியவள், "யாருனு தெரியுமா உங்களுக்கு? கால் ரெகார்ட் போட்டுட்டேன்.." என்றாள்.​

பிரபாவால் இன்னமும் அந்த அதிர்வைத் தாங்க முடியாது இருக்க, வாய் வழியாகப் பெரும் மூச்சை இழுத்துக் கொண்டு கண் விழித்தான், அம்மாயோளின் அல(ழ)கனவன். (அலகன்- ஆத்மா/பேய்)​

ஆடவர்கள் அனைவரும் அதை எட்டாவது அதிசயமாய் பார்க்க அலைப்பேசியை சிபி கையில் திணித்து விட்டு, "மகி.." என்றபடி அவனிடம் வந்தாள்.​

இறுகிய அணைப்பு.. தன் அணைப்பு ஒன்று மட்டுமே அவனுக்குத் தன் வேதனை, வலி, ஏக்கம், பயம் என அனைத்தையும் கடத்திவிட வேண்டும் என்ற முனைப்பில் அத்தனை அத்தனை இறுக்கமாக அணைத்துக் கொண்டாள்.​

"அ..ஹவ் இட் இஸ் பாஸிபில்? (இது எப்படி சாத்தியம்?)" என்று பிரபா அதிர, ​

அதற்கெல்லாம் பதில் கூறும் நிலையில் அவர்கள் இல்லை. ​

"பயந்துட்டேன்டா.. " என்று அவள் அழுகையோடு கூற, ​

"வேலையைச் சிறப்பா முடிக்க வேணாமா? அதான் அந்த யோக்கியன காட்டி கொடுக்க மறுபடியும் பேப்பர படபடனு அடிச்சுவிட்டு, ஃபோன எடுத்துக் கால் போட்டேன்.." என்று கிசுகிசுப்பாக மதி கூறினான்.​

அதற்குமேல் அவளிடம் வார்த்தைகள் இல்லை, அவனை மேலும் இறுக அணைத்தவள், "இனி என் பேச்சைக் கேட்காதடா" என்க, ​

அட்டகாசமாய் சிரித்துக் கொண்டான்.​

பின்பே அவனை விட்டு நீங்கியவள், புரியாது பார்க்கும் பிரபா மற்றும் சிபியைப் பார்த்து, "இ..இவன் சாகலை. அன்கான்ஷியஸா தான் இருந்தான்" என்க, ​

அவர்களுக்கு அது இன்னும் அதிர்வாக இருந்தது. ​

இந்த இடத்தைப் பற்றிய தகவல் கிடைக்காமல் போயிருந்தால் அநியாயமாகத் தங்கள் குடும்பத்துப் பகைக்கு ஒரு உயிர் பலியாகி இருக்குமே என்று யோசிக்கவே பிரபாவின் உள்ளம் பதறியது.​

நிலையைக் கையில் எடுத்த சிபி, "உன் மாமானு எதும் பாசத்துல காப்பாத்தனும்னு நினைக்காத பிரபா. ஒரு உயிரைக் கொன்னுருக்காரு. இன்னொன்னு அட்டெம்ட் மர்டர். கண்டிப்பா தண்டனை வாங்கி தருவேன்" என்று கூற, ​

அவனிடம் சின்னத் தலையசைப்பு.​

தோழர்கள் இருவரும் ஜான் மற்றும் மதியை நோக்க, "ரொம்ப தேங்ஸ் அண்ணா" என்று ஜான் கூறினாள். ​

"அதை நான் சொல்லனும் ம்மா" என்றவன் 'எப்படி உனக்கு இந்த இடம் தெரிய வந்தது?' எனக் கேட்க வந்து பிறகு வேண்டாமென விட்டுவிட்டான்.​

தடியர்களை இழுத்துக் கொண்டு சிபி, "நீங்களும் எங்களோடவே வரீங்களா?" என்று வினவ, ​

"இல்ல நாங்க போய்க்குறோம்" என்று மதி கூறினான். ​

அவர்கள் தனிமையை எதிர்ப்பார்ப்பது புரிந்து சிபி மற்றும் பிரபா அடியாட்களுடன் புறப்பட்டிட, மீண்டும் அவனை அணைத்துக் கொண்டாள்.​

"என்ன ஜானு பேபி.. ஹக்ஸ்லாம் பலம்மா இருக்கு. இப்படியே இறுக்கி புடிச்சு நான் திரும்ப அன்கான்ஷி.." என்று அவன் முடிப்பதற்குள் அவன் இதழைப் பூட்டியிருந்தாள், தன் இதழால்.​

அவளது அணைப்பே இன்ப அவஸ்தையாய் அவனுக்குத் தித்தித்த தருணத்தில், இந்தத் திடீர் முத்தம் அதிர்வின் விளிம்பிற்கே அவனைக் கொண்டு சென்றது! இதழில் உவர்நீரின் சுவையேற, அவள் நிலை புரிந்தவனாக அரவணைத்துக் கொண்டான்.​

சிலநிமிட முத்த யுத்தம் முடிவடைய, "பார்ட்டைம் சாவுக்கு நல்ல பலன் தான் கிடைச்சிருக்கு" என்று மதி கிரக்கமாய் கூறிக் கொண்டான். ​

அதில் லேசாகச் சிரித்துக் கொண்டவள் அவன் மார்பில் குத்தி, "அவன எப்டி ஃபோன் போட வச்ச?" என்று வினவ, ​

"அவன் ஃபோன்லருந்து வெறும் மிஸ்ட் கால் மட்டும் கொடுத்துடலாம்னு தான் போனேன். நான் ஃபோன் போடும்போது அவனே திரும்பிட்டான். டக்குனு என்ன பண்ணனு புரியாம நகர்ந்தப்போ டேபில்ல இருந்த அவன் ஃபேமிலி போட்டோவ தட்டி விட்டுட்டேன். அதுல உள்ள பிரபா படத்தையே பார்த்தவன் கால நீ அடென்ட் பண்ணதும் யோசிக்காம பேசிட்டான். அது இன்னும் எனக்கு வசதியா போச்சு. அவன் பேசிமுடிக்குறதுக்குள்ள சட்டுனு நான் ஏதோ காத்துல இழுபட்ட ஃபீல்" என்று கூறி முடித்தான்.​

ஒரு பெருமூச்சு விட்டவள், "நிஜமா நம்பவே முடியலை மகி.." என்க, ​

"ஏற்கனவே ஒரு மாய வலையில் சிக்கி மீண்ட உனக்கே இப்படினா நான் என்ன சொல்ல?" என்றான். ​

அதற்குமேல் அங்கு நிற்காது புறப்பட்டவள், "மகி.. அத்தை மாமாவ எங்க வீட்டுக்கு வரசொல்லி சர்பிரைஸ் பண்ணுவோமா?" என்று வினவ, ​

"உங்கப்பா ஹார்ட் பேஷன்டுடி" என்றான்.​

"அதுலாம் பார்த்துக்கலாம்டா. கூட ரெண்டு மாத்திரை குடுத்து க்யூர் பண்ணிப்போம்" என்றவள் மதியின் அண்ணனுக்கு அழைத்து மூவரையும் தன்வீட்டிற்கு வரும்படி கூறினாள்.​

அங்கு அழுது ஓய்ந்து முடிந்த அகாவின் அருகே அமர்ந்திருந்த துரு மற்றும் விஷ், "அகா.." என்று அழைக்க, ​

அவளது அலைப்பேசி ஒலித்தது. ​

எடுத்து ஸ்பீகரில் போட்ட துரு, "அழுதுட்டே இருக்கா அகர். நீங்க வர்றீங்களா?" என்று கேட்க, ​

"இப்ப தான் வேலை முடிஞ்சு வீட்டுக்கே வந்தேன் துரு. அம்மாக்கு வேற உடம்பு முடியலை. அப்பா ஹாஸ்பிடல் கூட்டிட்டு போயிட்டு வந்திருக்காங்க" என்றான்.​

கண்ணீரை துடைத்துக் கொண்ட அகா, "என்னாச்சு?" என்க, ​

"நார்மல் ஃபீவர்தான்மா. நீ தேவையில்லாம அழாத. இப்ப தான மாப்பிள்ளை பார்த்துருக்காங்க. எப்படியும் ஜானை மனசுல வச்சாவது கொஞ்சம் தள்ளிப் போடுவாங்க" என்று அகர் கூறினான்.​

ஆம்! தமிழ்வேந்தன் (அகாவின் தந்தை) நல்ல வரன், அதுவும் தூரத்து சொந்தத்திலேயே கிடைத்திருப்பதாக மனைவியிடம் பேசி, நல்ல நாள் ஒன்றில் பெண்பார்க்க வரக்கூறும் யோசனையில் இருக்க, அதைக் கேட்ட அகாதான் ஆடிவிட்டாள்.​

"அத்தைய பார்த்துக்கோங்க. நா..நான் ஓகே ஆயிடுவேன்" என்று அவள் கூற, ​

"அவி.." என்றான். ​

அவன் குரலில் இருந்த பேதம் உணர்ந்தவள் பேசியை வாங்கிக் கொண்டு நகர, ​

"உன்னை அவ்வளவு சீக்கிரம் விட்டுட மாட்டேன்டா.." என்றான். ​

"பயமா இருக்கு அகர்.. உங்கள ம.. மறுபடியும் இழந்து என்னால தவிக்க முடியாது" என்று அவள் கலங்க, ​

"டேய்.. அழாதடா. உங்கப்பா மேல பேசுறதுக்குள்ள நான் வந்து பேசிடுவேன். நீ எதும் பயப்படாம இரு" என்றான். ​

"ம்ம்.." என்று அவள் கூற, ​

"முகத்தைத் துடை" என்றான்.​

சிறுபிள்ளை போல் அலைபேசியில் அவனுக்குத் தலையாட்டியபடி அவள் முகத்தைத் துடைத்துக் கொள்வதைப் பார்த்த துரு மற்றும் விஷ் சிரித்துக் கொள்ள, ​

"குட்.. இப்ப போ" என்று அகர் கூறினான்.​

அலைப்பேசியை வைக்கும் நொடி, "லவ் யூ அகர்.." என்றவள் அழைப்பைத் துண்டிக்க அங்கு அவளவன் தான் அவஸ்தைக்கு உள்ளாகிப் போனான்.​

பேசிமுடித்து வந்த தோழியைப் பார்த்து, "அகா.. வாட்டர் டேங்க க்ளோஸ் பண்ணு. அதான் இன்னும் பொண்ணு பார்க்க வரலைல? ஒன்னும் ஆகாது. அகர் பார்த்துப்பார்" என்று விஷ் கூற, ​

"ம்ம்" என்றாள். ​

அப்போதே ஜானிடமிருந்து அனைவரையும் பெற்றோரோடு தன் வீட்டில் கூடச் சொல்லிச் செய்தி வர, ஏன் எதற்கென்ற கேள்வியின்றி யாவரையும் கூட்டிக் கொண்டு ஜான் வீட்டை நிறைத்தனர்.​

"எதுக்குப்பா வரசொன்னா?" என்று ஒருவர் மாற்றி ஒருவர் துரு, விஷ் மற்றும் அகாவை கேள்வியால் துளைக்க, ​

'தெரியாது தெரியாது' என்று கூறியே ஓய்ந்து போயினர்.​

சில நிமிடங்களில் வீடு வந்தவள் முகமே தோழர்களுக்குச் செய்தி கூற, 'மதி எங்க?' என்று கண்களால் வினவினர். ​

மதியின் தாய் தந்தையைப் பார்த்தவள் அவர்கள் முன் வந்து அமர, அவளைப் பார்த்தவுடன் மாதவிக்கு (மதியின் தாய்) கண்கள் கலங்கி விட்டது.​

"உங்களுக்கு ஒரு பரிசு வச்சிருக்கேன்" என்று அவள் கூற, ​

விரக்தியான சிரிப்போடு "என்னதுமா?" என்றார். ​

வாயிலைப் பார்த்தவள், "மகி" என்க, ​

"வந்துட்டேன்" என்று உள்ளே விளக்கிலிருந்து வெளிவந்த அலாவுதின் பூதம்போல் குதித்தான் மதிமகிழன்.​

-வருவான்...

 

[Mathykarthy]

சூப்பர்
மகி திரும்ப வந்துட்டான் இல்லல்ல அவன் உடம்புக்குள்ள போயிட்டான் ....

அடேய் மகி இப்படி குதிச்சு ஷாக் குடுத்தா எல்லாம் வயசானவங்க அப்புறம் அவங்க ஆவியா அலைய வேண்டியது தான்

 

[Saranyakumar]

மகி எப்படி போனானே அப்படியே திரும்பி வந்துட்டான் ஏம்மா அகா மாப்பிள்ளை பார்க்க மட்டும்தானே செஞ்சுருக்காங்க அதுக்குள்ள எதுக்குமா அழுகிற

 

[santhinagaraj]

அடேய் மகி என்னடா அலாவுதின் பூதம் மாதிரி குதிச்சு வர இப்டி நீ திடீர்னு குதிச்சு வந்தா வயதானவர்கள் எல்லாருக்கும் இருக்காங்க ஹார்ட் அட்டாக் வந்துட போதுடா.

அகா பொண்ணு பாக்க வர தான சொல்லி இருக்காங்க.நீ உன் காதலை எடுத்து சொல்லு உன் அப்பாகிட்ட புரிஞ்சிப்பார்

 

[Aandal Venkatraghavan]

சூப்பர்
மகி திரும்ப வந்துட்டான் இல்லல்ல அவன் உடம்புக்குள்ள போயிட்டான் ....

அடேய் மகி இப்படி குதிச்சு ஷாக் குடுத்தா எல்லாம் வயசானவங்க அப்புறம் அவங்க ஆவியா அலைய வேண்டியது தான்

அதேதான் க்கா

வயசான காலத்துல இன்னும் அவங்க என்னவெல்லாம் தாங்கனுமோ இவனால் ஷாக் கொடுத்து ஜான் டாடிக்கு டிக்கெட் வாங்கிடுவான் போல

 

[Aandal Venkatraghavan]

மகி எப்படி போனானே அப்படியே திரும்பி வந்துட்டான் ஏம்மா அகா மாப்பிள்ளை பார்க்க மட்டும்தானே செஞ்சுருக்காங்க அதுக்குள்ள எதுக்குமா அழுகிற

வந்துட்டான்னு சொல்லுங்க.. திரும்ப வந்துட்டான்னு சொல்லுங்க

அது கொஞ்சம் அகர் மேட்டர்ல எமோஷனலு இல்லையா..அ தான் அழுறா க்கா

 

[Aandal Venkatraghavan]

அடேய் மகி என்னடா அலாவுதின் பூதம் மாதிரி குதிச்சு வர இப்டி நீ திடீர்னு குதிச்சு வந்தா வயதானவர்கள் எல்லாருக்கும் இருக்காங்க ஹார்ட் அட்டாக் வந்துட போதுடா.

அகா பொண்ணு பாக்க வர தான சொல்லி இருக்காங்க.நீ உன் காதலை எடுத்து சொல்லு உன் அப்பாகிட்ட புரிஞ்சிப்பார்

அதானே க்கா.. ஜான் அப்பாவுக்கு பேசாம இவனால டிக்கட் வாங்கி தந்துடுவோமா

புரிஞ்சுப்பாங்க க்கா.. எல்லாம் சுபம் தான்

 

[Aandal Venkatraghavan]

அத்தியாயம் -15​

அனைவரும் அதிர்ச்சியோடு எழுந்து நின்றிட, அங்குள்ளோரின் விரிந்த விழிகள் விரிந்த படியே நிலைகுத்தி நின்றன. ​

"மகி சாகலை. அவன் அன்கான்ஷியஸா இருந்திருக்கான். அவனோட ஆர்கன் எடுக்க உடம்ப வாங்கிட்டுப் போன ஆஸ்பிடல்ல உள்ள டாக்டர் தான் அதை நோட் பண்ணி அவனுக்கான ட்ரீட்மென்ட் கொடுத்தார். அவன் உண்மைலயே பொழைப்பானானு தெரியாம வீண் நம்பிக்கை கொடுத்து மறுபடி சோதிக்க வேணாம்னு தான் நமக்கு வேற பிணத்தைக் கொடுத்து அனுப்பிவிட்டிருக்காங்க" என்று வீட்டிற்கு வருவதற்குள் அவள் தீட்டியிருந்த கதையை மனப்பாடம் செய்ததைப் போல் ஒப்பித்து முடித்தாள்.​

அப்போதும் அதிர்ச்சி விலகாத பாவனையில் அனைவரும் விழிக்க, ​

பொத்தென்ற ஏதோ விழும் சத்தம் கேட்டது. ​

'ஆத்தி நைனா..' என்று திரும்பிய ஜான் சோபாவில் விழுந்துகிடக்கும் அமிர்தப்ரியாவைப் பார்த்து, "ஏ ப்ரியா" என்க, ​

மனைவியைத் திரும்பிப் பார்த்தவன், "ஏ அமி.." என்று அவளை உலுக்கினான்.​

அதில் அனைவரும் நிலைக்குத் திரும்ப, சென்று தண்ணீர் எடுத்து வந்த இளா, ப்ரியாவின் முகத்தில் தெளித்தாள். ​

தலையைத் தாங்கியபடிடி விழித்தவளுக்கு தலை கிருகிருக்க, சந்தேகமாய் அவள் முகம் பார்த்த இளா அவள் நாடி பிடித்துப் பார்த்து, ​

"ஏ.. குட்டி" என்று கத்தினாள்.​

அதில் விஷ் அவளைப் புரியாமல் பார்க்க, ​

"விஷ்.. டாடியாகப் போறீங்க" என்றதும், அகல விழி விரித்தபடி மனையாளைப் பார்க்க அவளும் அதே அதிர்ச்சியோடு தான் கணவனைப் பார்த்தாள்.​

"போடு.. டபுள் சந்தோஷமா இருக்கு" என்று துருவனின் அண்ணி கீர்த்தி குதூகலிக்க, ​

சில நிமிடங்களில் மதி மீண்டுவிட்டான் என்ற செய்தியைக் கிரகித்துக் கொண்டனர். ​

"திடீர்னு எப்படி அன்கான்ஷியஸ்?" என்று அந்த அதிபுத்திசாலித்தனமான கேள்வியை ஜகன் கேட்டுவிட, ​

'ரொம்ப முக்கியமா நைனா' என்று ஜான் எண்ணிக் கொண்டாள்.​

"தெரியலை மாமா" என்று மதி கூற, ​

"அந்த டாக்டர நான் பார்க்கனும்பா. இல்லைனு நினைச்ச என் புள்ளைய எனக்கு மீட்டுக் கொடுத்திருக்கார். நிச்சயம் அவருக்கு நன்றி சொல்லனும்" என்று மாதவி கூறினார்.​

"ஆமாப்பா.. அன்னிக்கு கொடுத்த உடம்போட முகத்தை ஏன் அந்த நர்ஸு பொண்ணு மூடிக் கொடுத்துச்சுனு இப்பதான் புரியுது" என்று பாலாஜி கூற, ​

அகாவுக்கு புரையேறியது. விடயம் தெரிந்த தோழர்கள் முகத்தில் குறும்பாய் சின்ன சிரிப்பு. ​

"அய்யோ மாமா.. அவரு வெளிநாடு போயிட்டாரு. நானே உங்களுக்கும் சேர்த்து அவருக்குக் கோடான கோடி நன்றி சொல்லிட்டேன்" என்று ஜான் கூற, ​

"அ..ஆமாம் ப்பா" என்று மதி அவளுக்கு ஒத்து ஊதினான்.​

இன்பத்தினும் இன்பமாய் பொழுது ஓடிட மிகிழ்வோடு யாவரும் அவரவர் வீடு திரும்ப, தங்கள் அறைக்கு வந்தவுடன் மனையாளை கட்டியணைத்து முத்தம் பதித்தான் விஷ்வேஷ்.​

"நான் செம்ம ஹேப்பிடி அத்தை பொண்ணே" என்று அவன் கூற, ​

"நா.. நானும். இன்னிக்கு வரிசையா எதிர்ப்பார்க்காததா இருக்கு" என்றாள். ​

"ம்ம்.." என்றவன், மனையாள் மணிவயிற்றை வருடி, "குட்டி அமி இஸ் ஆன் தி வே" என்று கூற, ​

நாணச்சிரிப்போடு அவன் மார்பில் முகம் புதைத்தாள்.​

மறுநாளே 'குடும்ப சொத்து பிரச்சினையில் மருமகனை கொலை செய்த மாமன்' என்று செய்தி வெளியாகி இருந்தது. தனது மகள் காதல் விடயம் தெரிந்துகொண்ட மாரிமுத்துவிற்கு மகளின் காதல் விவகாரத்தைத் தடுக்க முடியும் என்ற நம்பிக்கை இல்லை. பிரபாவின் அழுத்தம் அவர் அறிந்ததாயிற்றே! மகளை வைத்து மொத்த சொத்தையும் கரக்க நினைத்தவருக்கு தற்போது வேந்தன் தடையாக அமையவும் அவனுக்கு விஷம் கொடுத்து அவனே அறியாது அவனை இப்புவி விட்டு அனுப்பியிருந்தார். ​

அவனது குரலைப் போலவே 'AI' மூலம் பேச வைத்துத் தானாக ஒரு தற்கொலை வாக்குமூலம்போல் உருவாக்கிவிட்டிருந்தார். யாருமில்லா நேரம் பார்த்து இவற்றைச் செய்திருந்தவர், யாரோ வரும் அறவம் கேட்டுச் சட்டென அவனைத் தூக்கிலிட்டது போல் செய்துவிட்டு ஓடியிருந்தார். ​

அவர் எதிர்பாராத ஒன்று அவனது உடற்கூற் ஆய்வுதான். அதில் விஷம் கொடுக்கப்பட்டது தெரிந்துவிடும் என்பதால் வேறு வழியின்றி அவனது பிணத்தைக் கடத்தியிருந்தவர் சந்தேகம் வாராது இருக்க வேண்டி மதியின் பிணத்தையும் கடத்தியிருந்தார். ஆனால் அவரது மொத்த செயலையும் மதி தவிடுபொடியாக்கியிருக்க, இதோ அவர் சிறைச்சாலையில்!​

தொடர்ந்து ஒருவார காலம் அமைதியாய் கழிய, அந்த ஞாயிறு அகநகை வீட்டில் தான் அனைவரும் இருந்தனர். ​

மனதில் புயல் அடிப்பதை முகம் காட்டிவிடாது தடுக்க, அவள் பெரும்பாடு பட்டுக்கொண்டிருக்க, நீள்விருக்கையில் வரைசையாக மதி, ஜான், விஷ், ப்ரியா மற்றும் அவர்களுக்கு எதிர் நீள்விருக்கையில் அன்புக்கரசி, தமிழ்வேந்தன் துரு மற்றும் இளா அமர்ந்திருந்தனர்.​

அனைவர் பார்வையும் அவள்மீது தான். ​

பெற்றோரின் பார்வை எதிர்ப்பார்ப்போடும் மற்றவர்களின் பார்வை பரிதாபத்தோடும் அவளை நோக்க, கையில் பிடித்திருக்கும் யாரோ ஒருவனின் புகைப்படம் தான் அதிக அழுத்தம் பெற்று கசங்கியது.​

இதோ அதோ என்று அவள் கண்களில் நீர் தேங்கிவிட, அதை அழுந்த மூடியவள், "வெ..வேணாம் ப்பா" என்றாள். ​

"ஏன் வேண்டாம்? மாப்பிள்ளை பிடிக்கலையா?" என்று அன்புக்கரசி கேள்விகளை அடுக்க, ​

"எ..எனக்கு இந்தக் கல்யாணத்துல இஷ்டமில்லை" என்றவளது கூற்றில் 'இந்த' என்ற வார்த்தையில் மட்டும் அழுத்தம் கூடியது.​

"ஏன்?" என்று தமிழ் வினவ, ​

"நா..நான்.." என்று தவித்தவள், ​

"நான் சொல்லவா?" என்ற அவளவன் குரலில் திடுக்கிட்டு நிமிர்ந்தாள்.​

தன் தாய் ஆதிரை மற்றும் தந்தை அகிரவனோடு வந்திருந்த அகர்ணனைப் பார்த்து அனைவரும் எழ, தானே வந்து பெற்றோரோடு அமர்ந்துகொண்டான்.​

மகளின் கலங்கிய முகமும் அவளுக்கு ஆறுதல் கூறும் பார்வையோடு இருக்கும் அகர்ணனின் முகமுமே பெற்றோருக்கு விடயத்தைக் கூறிவிட, ஏதோ சீரியல் பார்ப்பது போல் தோழமைக்கூட்டம் நடப்பவற்றை வேடிக்கைப் பார்த்தது.​

பேச்சைத் துவங்கிய அகிரவன், "என் பேரு (பெயர்) அகிரவன் சார். நானும் என் வைஃப் ஆதிராவும் காலேஜ்ல ப்ரொபசரா வேலைப் பார்க்குறோம். இது என் ஒரே பையன் அகர்ணன். உங்களுக்கே தெரிஞ்சிருக்கும். உங்க பொண்ணு வேலைப்பார்க்கும் கம்பெனி சி‌.ஈ.ஓவோட பி.ஏ. ​

ரெண்டு பேரும் ஒருத்தர ஒருத்தர் விரும்புறாங்க. என் புள்ளை விரும்புறது எனக்குத் தெரியும். தெரிஞ்சதுமே பொண்ணு கேட்க வர்றதா தான் இருந்தேன். ஆனா அவன் தான் அப்ப வேணாம்னு சொல்லிட்டான். ​

ஆயிரம் தான் இருந்தாலும் நீங்கப் பொண்ண பெத்தவங்க. ஒரு பொண்ணை கட்டிகுடுக்கும் இடம் எப்படிபட்டதா இருக்கனும்னு ஒவ்வொரு தகப்பனுக்கும் ஒரு கனவு இருக்கும். அதைக் குழைக்குற விதமா நான் இருந்திடக்கூடாதுப்பானு தன்னோட நிலையை உயர்த்திகிட்டு உங்ககிட்ட பெண்கேட்க போகலாம்னு சொன்னான்​

இப்பவும் உங்க அளவு வசதியில்லை நாங்க. ஆனா சொந்த வீடும் காரும் இருக்கு. முக்கியமா எதுவும் என் சொத்தில்லை. உங்க பொண்ணுக்காக என் பிள்ளை சம்பாதிச்சு போட்டு வாங்கினது" என்க, ​

அதற்குமேல் தாங்காது அழுகையோடு அகா உள்ளே சென்றுவிட்டாள்.​

விஷ்வேஷை நிமிர்ந்து பார்த்த அகர், உள்ளே செல்லக் கண்காட்ட, சிறார்கள் யாவரும் அவள் அறைக்குச் சென்றனர். ​

"ஏ லூசு எதுக்கு இப்ப அழற?" என்று ஜான் வினவ, ​

"அவளுக்காக அவர் அவ்வளவு செஞ்சிருக்காரு. இவளால காதலைக்கூட தைரியமா சொல்ல முடியலைனு அழறா" என்று அவளைக் கண்டவுடன் நிலை புரிந்தவனாக விஷ் கூறினான்.​

"அக்கா.. நீங்க ஏன் இப்படிலாம் நினைக்குறீங்க? சீனியர் உங்கள தப்பாவே நினைக்கமாட்டாரு" என்று அமிர்தா கூற, அவளிடம் பதிலேதுமில்லை.​

இங்குப் பெற்றோர் இருவரும் ஆடிதான் போயினர். தன் மகளுக்காக ஒருவன் இத்தனை தூரம் செய்துள்ளானா என்று பிரம்மிப்பும் ஆச்சரியமும் கொண்ட இருவருக்கும் அந்தச் சூழலில் அடுத்த என்ன பேசவென்றே தெரியவில்லை.​

"என் பையன் கண்டிப்பா உங்க பொண்ணை நல்லா பார்த்துப்பான். நம்பி அனுப்பி வைங்க" என்று ஆதிரா கூற, ​

பெற்றோரைப் பார்த்துப் புன்னகைத்தவன், "மாமா.. அவின்னா எனக்கு உயிரு. நான் அவளுக்கு உயிருக்கும் மேல. சொல்ல வேண்டியதை சொல்லிட்டோம் முடிவு உங்க கைல" என்று கூறினான்.​

ஒருவரை ஒருவர் பார்த்துப் புன்னகைத்துக் கொண்ட அன்பு மற்றும் தமிழ், "ரொம்ப சந்தோஷம் மாப்பிள்ளை" என்க, ​

எதிர்ப்பார்த்த பதில்தான் எனினும் அவன் உள்ளம் அத்தனை குளிர்ந்தது. ​

அறை வாசலிலிருந்து இவற்றைப் பார்த்துக் கொண்டிருந்த இளா, "ஏ அகா.. அழுமூஞ்சி.. கண்ண துடை. அப்பா அம்மா ஓகே சொல்லிப் பச்சை கொடி காட்டிட்டாங்க" என்று குதூகலிக்க, அவளும் கண்ணீரோடு இன்பமாய் அதிர்ந்து நிமிர்ந்தாள்.​

(ஷப்பா.. எத்தனை ஸ்வீட் ஷாக் தான் கொடுக்குறது.. வோல்ட் அதிகமா உடம்புல ஏறிபோச்சு.. நம்ம கடைய சாத்துவோம்)​

அனைத்தும் சுமுகமாய் முடிய தோழிகள் இருவருக்குமே திருமணத்திற்கு நாள் குறிக்கப்பட்டது. வரும் நல்ல முகூர்த்தம் ஒன்றையே இருவீட்டைச் சேர்ந்த பெரியோர்களும் குறித்துக் கொடுத்திருக்க, தோழிகளின் குதூகலத்துக்குத் தான் அளவே இல்லாது போனது.​

அன்று நான்கு ஜோடிகளும்.. சாரி சாரி.. மூன்று ஜோடிகள் மற்றும் ஒரு வருங்கால ஜோடியென எட்டுபேரும் உணவகத்திற்கு வந்திருந்தனர். ​

"அமிமா.. காரமா வேணாம்டா.." என்று தன் நான்கு மாத கரு தாங்கிய மனைவியிடம் விஷ் கொஞ்சிக் கொண்டிருக்க யாவரும் அவனைப் புன்னகையோடு பார்த்தனர். ​

"கியூட்.." என்று ஜான் கூற, ​

"நானும் உன்கிட்ட இப்டி கொஞ்சுவேன்.. அது இன்னும் கியூட்டா இருக்கும்" என்று மதி முறுக்கிக் கொண்டான்.​

"ஆமா.. கல்யாணமே இன்னும் ஆவலையாம் அதுக்குள்ள தொற எங்கயோ போயிட்டாரு… தோசைய தின்னுயா" என்று லஜ்ஜயேயின்றி அவள் அவனை வார, ​

அனைவரும் கலகலவெனச் சிரித்து, பாவம் அந்த ஆண்மகனை வெட்கமடையச் செய்தனர்.​

அகா தித்திப்பினும் தித்திப்பாய் அவன் கரம்பற்றிக் கொண்டு அமர்ந்திருக்க, ​

லேசான சிரிப்போடு அவள்புறம் சாய்ந்தவன், "கைய விட்டாதான் என்ன? எங்கயாவது ஓடியா போகப் போறேன்" என்றான். ​

அவனைத் திரும்பிப் பார்த்து முறைத்தவள், "போயிடுவீங்களா?" என்று வினவ, ​

அட்டகாசமாய் சிரித்தவன் இல்லை என்று தலையசைத்தான்.​

"அதுங்க தனியா டிராக் ஓட்டுதுங்க" என்று இளா கூற, ​

"எல்லாம் தனிதனியா தான் ஓட்றாங்க. நாம தான் எப்ப ஓட்டப் போறோமோ" என்று துரு முனுமுனுத்தான். ​

"ஆங்?" என்று அவள் பக்கவாட்டாகத் திரும்பிப் பார்க்க, ​

"கிரேவி நல்லாருக்குனு சொன்னேன்" என்று வார்த்தைகளைக் கடித்து துப்பிவிட்டு திரும்பிக் கொண்டான்.​

உணவை முடித்துக் கொண்டு அகர்ணனின் காரில் அகா, இளா மற்றும் துரு செல்ல, விஷ் தனது இருசக்கர வாகனத்தில் தன் மனைவியைக் கூட்டிக் கொண்டு சென்றான்.​

இங்குத் தங்கள் வீட்டு அருகில் உள்ள உணவகம் என்பதால் நடந்தே வந்திருந்த மதி அவளுடன் கைகோர்த்தபடி நடக்க, "செம்ம ஹேப்பியா இருக்கு தெரியுமா?" என்றாள். ​

"அது நீ என்னை வச்சு செய்யும்போதே புரிஞ்சுகிட்டேன்" என்று அவன் கூற, ​

களுக்கிச் சிரித்தவள் அவன் கன்னம் கில்லி, "லவ் யூடா" என்றாள்.​

"ம்ம்…ம்ம்…" என்று அவன் சளிப்பாகக் கூற, ​

"அட.. டாக்டர் சார். என்னவாம்?" என்று கேட்டாள். ​

"கொஞ்ச நேரம் பார்க் போலாம் வாமா" என்று அவன் அழைக்க, ​

"சரி சரி வா" என்றுவிட்டுச் சென்றாள். ​

அவன் கைகோர்த்தபடியே அமர்ந்தவள், வானை வெறிக்க, "லைஃப் இஸ் சோ மேஜிக்கல்" என்று மதி கூறினான். ​

"யோ.. நல்ல நேரத்துல ஏன்யா அந்த மேஜிக்க நினைவு படுத்துற?" என்று ஜான் பீதியோடு வினவ, ​

"எங்க அந்த வாயாடி ஜான காணும்?" என்றான்.​

"டேய்.. ரொம்ப தான் ஓட்ற நீ" என்று அவள் முறைக்க, வாய்விட்டுச் சிரித்துக் கொண்டவன், "சரிசரி பொங்காத” என்று அவளைத் தோளோடு அணைத்துக் கொண்டான். ​

அங்கு அகாவின் அறையில் அந்தச் சீட்டுக் கட்டு ஒவ்வொன்றாகப் பறந்து காற்றில் மிதந்தன.. மிதந்த சீட்டுக்கள் சிலவற்றில் தங்க நிற எழுத்துக்கள் மினுமினுக்க, அவற்றில் 'Intermission' என்ற வார்த்தை ஒலிர்ந்து சீட்டுகள் மீண்டும் டப்பாவிற்குள் சென்று அடைபட்டுக் கொண்டன…​

இரண்டாம் பாகம் முற்றும்

கதைக்கு ஆரம்பத்திலிருந்து ஆதரவு தந்த அனைவருக்குமே என் மனமார்ந்த நன்றிகள் நிஜமா கதை எழுதும்போதுவிட இங்கே போடும்போது ரொம்ப என்ஜாய் பண்ணேன் நானு..‌‌‌‌‌அது அத்தனைக்கும் வாசகர்களாகிய நீங்க தான் காரணம்

ரொம்ப ரொம்ப நன்றி தங்கம்ஸ் அடுத்த பாகத்தில் சந்திப்போம்

 

[santhinagaraj]

. ஒரு வழியா எல்லா பிரச்சினையும் தீர்ந்து அவங்க அவங்க ஜோடியோட செட்டில் ஆயிட்டாங்க
.இன்டர்மிஷனே இப்பதான் விட்டிருக்கா அப்ப மெயின் ஆட்டம் இனிமேதானா??

துரு இளா ஜோடிய சீக்கிரம் கூட்டிட்டு வாங்க?

கதை வேற லெவல் சூப்பர்

 

[Shamugasree]

Super da kutty. Yarukum shock kodukama ellam smooth ah settled panniyachu.
Adutha story eppo da. Ellorum sabam kodutha dhruv love track parka waiting

 

[Saranyakumar]

இனி அடுத்த மேஜிக் ஆட்டத்துக்கு ரெடி

 

[Mathykarthy]

Lovely ending
கலகலப்பா திரில்லிங்கா இருந்தது ஸ்டோரி.....

பிரச்சனை எல்லாம் முடிஞ்சு எல்லாரும் ஜோடி ஜோடியா சுத்துறாங்க துருவ் தவிர

பக்கத்துலயே ஆளை வச்சுக்கிட்டு புலம்பிட்டு இருக்கான்

சீக்கிரம் அடுத்த சீட்டை எடுத்து ஆட்டத்தை ஆரம்பிங்க....

 

[Aandal Venkatraghavan]

. ஒரு வழியா எல்லா பிரச்சினையும் தீர்ந்து அவங்க அவங்க ஜோடியோட செட்டில் ஆயிட்டாங்க
.இன்டர்மிஷனே இப்பதான் விட்டிருக்கா அப்ப மெயின் ஆட்டம் இனிமேதானா??

துரு இளா ஜோடிய சீக்கிரம் கூட்டிட்டு வாங்க?

கதை வேற லெவல் சூப்பர்

அவ்வ் சாரி பார் லேட் ரிப்ளை க்கா

அடுத்து நம்ம துரு இளா கதை தான்

உங்க பொன்னான கருத்துக்களுக்கு என் மனமார்ந்த நன்றிகள்

 

[Aandal Venkatraghavan]

Super da kutty. Yarukum shock kodukama ellam smooth ah settled panniyachu.
Adutha story eppo da. Ellorum sabam kodutha dhruv love track parka waiting

ஹாஹா ஆமா க்கா

துரு லவ் தானே.. வருவான் பாருங்க

ரொம்ப நன்றி அக்கா

 

[Aandal Venkatraghavan]

இனி அடுத்த மேஜிக் ஆட்டத்துக்கு ரெடி

நன்றி க்கா