பெண்மையே பேசு

[admin]

விண்ணில் வலம் வந்த நீ
மண்ணில் வலம் வரமாட்டாயா??

பலகலை பயின்ற நீ
கலை இழந்து விடுவாயா??

அறிவியல் அறிந்த நீ
அறியாமை இருளில் தவிப்பாயா??

தொழில்நுட்பம் கற்ற நீ
தொழில் தொடங்க மாட்டாயா??

வழக்கை வாதாடும் நீ
விதிகளை மீறி வாழ்வாயா??

கவிதை எழுதிய நீ
காவியம் படைக்க மாட்டாயா??

தள்ளி நின்ற நீ
துணிந்து நில் பெண்ணே!!

பாரதியின் புதுமை பெண்ணாக
படிகள் தாண்டி தடம்
பதிக்க வா பெண்ணே!!!

- கி. காரோலின்மேரி​